على الجرح

ظلم الغريب أهون ولا ظلم الاقراب
لأن الظليمه من قريبك مصيبه

وعيب القريب اصعب من عيوب الاغراب
لأن القريب يعيبك اللي يعيبـــــه

والله ما يذبح طويلين الاشناب
غير القريب اللي طعن في قريبــــه

عقب القرابة والغلا صرتو احزاب
ولا احد(ن) جنى من فعلته كود خيبـه

بالله لا يكثر , ترى خاطري طاب
مليت من كثر الجروح العطيبــــــه

الفرق واضح بين صادق ونصاب
والحق يطلع لويطـــوّل مغيبـــــــــه

وان كان بالدنيا محد حاسب حساب
با لأخره رب (ن) خلقنا حسيبــــــــــه

وأنا قسم بالله . لا يمكن ارتاب
ولا حب هرج ٍ فيه نمـــه وغيبـــــــــه

احب اقول الصدق حتى لكذاب
واحب اجازي من غمرني بطيبــــــــه

وإلا الردي له عندنا حفنة تراب
وان غاب ما قلنا عسى الله يجيبـــــــــه

بس انت يا ليتك تفكر بالاسباب
لان الظليمــــــة من قريبك مصيبــــــة

منقول