ركبت من فكري تراكيب وهجوس ! ! !

ركبت من فكري تراكيب وهجوس ! ! !

. .
.
ركـبّـت من فكري تراكيب وهجوس
اقولها والقصد للي درى به
.
بعض العرب هرجه غريبٍ ومنكوس
ما ياتي الموضوع من عند بابه
.
في السالفة يلف ويدور ويحوس
سوالفه جت بالملل والكآبة
.
احسن لبعض الهرج لو ظل محبوس
لا صار ما ينفع ولا ينبدى به
.
كلمتك مثل السهم يرمى من القوس
ما عاد ترجع والخطا له حسابه
.
خل اللسان بداخل الفم مدسوس
تراه مثل السيف داخل نصابه
.
بعض الكلام ان زاد راحت به انفوس
كم واحد سبّـب بقوله عذابه
.
كم واحدٍ عوّد وهو حيل متعوس
شاف الندم باسباب هرج ٍ حكى به
.
ويعض فوق اصبعه باسنان وضروس
ويقول ياليت القدر قد غدا به
.
ترى العـمَـر ياناس دقات ودروس
للي معه عقل ٍ فهيم ٍ ونابه
.
اللي حفظ قوله من النقد محروس
ما يلحقه لوم العرب والعيابة
.
والصمت للرجّـال هو خير ملبوس
يحفظ له الهيبة ورفعة جنابه !
. .

منقوووووووول

 

 

بعض العرب هرجه غريبٍ ومنكوس
ما ياتي الموضوع من عند بابه
.
في السالفة يلف ويدور ويحوس
سوالفه جت بالملل والكآبة
00000000
سلمت وسلم منقولك اخي الكريم
تقبل مروري ودمت بصحة وسلامه 0

 

 

المشاركة الأصلية كتبت بواسطة محمد سعد دوبح

بعض العرب هرجه غريبٍ ومنكوس

ما ياتي الموضوع من عند بابه
.
في السالفة يلف ويدور ويحوس
سوالفه جت بالملل والكآبة
00000000
سلمت وسلم منقولك اخي الكريم

تقبل مروري ودمت بصحة وسلامه 0

خوي محمد

لكم التحية ولشخصكم الكريم كل التقدير