قصائد اعجبتني

.

*****

الشاعر الاقعم الشلاقي

قيضت انا بديار شمـر مقيضـي = ودي يطول القيض والقيض قاضي
ياجضتي ياجوضتي ياجضيضـي = ياقلبي اللي من ملازيـه جاضـي
قلبي كفخ لولا مكانـه حفيضـي = يكفخ وتردعه الظلوع العراضـي
احدن الياصوب من الناس حيضي = وانا الياصوبت مالـي محاضـي
يامانعن جـم البحـر لايفيضـي = يامخضرن عقب المحل بالفياضي
تجلا صوابن في ضميرن مريضي = لو طاب له يومين جاء له نقاضي
وهيا انا وايـاك يـم الفريضـي = وقلبي بما قالوا هل الحق راضـي

*****

 

 

.

*****

الشاعر الفارس محمد بن سرار المنبهي الشهراني قالها بعد ان كبر في السن

ان عشت يا راسي كسيتك عمامه = وان مت يا راسي فدتك العمايم
يا راس شيبك ما بدا بك مذله = والشيب تكرم به كبار اللمايم
الاجواد يكرم شيبها في مشيبها = نقالة القاله محوص الصرايم
ياما نطحنا في الصبا من قبيله = يوم الصبا والرمح للكيف رايم
و ياما خذينا تونا من كسابه = بسيوفنا راحت تقسم غنايم
و ياما نسفناهم على جال وادي = و ياما نحونا فوق سود الشكايم
اربع مية خيال جونا مسيره = جونا يبون الغرس حلو الطعايم
وقالوا يسار الغرس والا يمينه = امس لكم واليوم جا فيه سايم
وقلنا لهم من دونه الموت حامي = اليوم نهدي الروح نخشى اللوايم
وثنيتها لعيون غرس بكاير = يثمر بهيبتنا غصونه نعايم
واخذت اطاردهم وانا فوق قبا = مثل الهدود اللي عن العشب صايم
تلحق ليا غارت ولا يلّحق بها = شقرا ولا ضريتها بالهزايم
من يوم بان الفجر لين اعتلى الضحى = وحنا نقلط للمسير عزايم
والله عطانا منصب الحق والظفر = يوم التقت بين القروم الولايم
يوم اسلموا للمنع واسندت عنهم = لياهم كما عشب لفح به سمايم
هذاك اسير وذاك يومه دنا به = وهذاك مكسور .. وهذاك شايم
هذا زمان فات ما ينفع المنا = يوم اذكر الماضي تزيد العظايم
الراس شاب وثالثة رجلي العصا = والله يوقظ قلب من كان نايم
وانا ابن سرار علومي قديمه = محي عسرطيب الليالي القدايم
وانا في رجا عمرٍ وعمرٍ ورا الشفا = عساه ليا جانا ترد اللزايم
لعل قبل الموت نسمع بشيره = بجاه من يحي العظام الرمايم
وصلاة ربي عد ما ذعذع الهوا = على النبي واصحابه اهل الكرايم

*****

 

 

.

*****

الشاعر نمر بن عدوان

البارحة فزيت من غيهب النوم = جاني حبيبي واختفا عقب ما جان
فزيت مذهول من العقل معدوم = مالي بعد وضحا خليل وخلان
طيف تصور لي خياله مع حلوم = واصبحت من حلمي جثيم وحيران
يلومني بموالفي كل مليوم = قالوا سفاهة زاد نمر ابن عدوان
عسى توطا لا يمي دولة الروم = ولا عسى يبلاه رهط من الجان
يا جديع يا مشكاي يا مفني الكوم = فقد الخليل مصيبتي يا ابن قبلان
يا جديع طير الحظ ما يدرج الحوم = الله لا يجزا طير حظي بالأحسان
بكيت انا وعقاب يوم بأثر يوم = جار الزمان وباغت اليتم سلطان

*****

 

 

.

*****

رد الشاعر جديع بن قبلان على نمر بن عدوان

يا نمر ما صابك من الله مقسوم = أصبر وعالج ضامرك يابو سلطان
ان مات حي قيل يا نمر مرحوم = اطلب لمفقودك من الرب غفران
الا ولا حي من الموت معصوم = اعرف ترى دنياك ما فوقها فان
دنياك هذي بين هازم ومهزوم = ما أنت الوحيد بفقد غالي وخلان
ما قدر المولى على العبد محتوم = الله جعل للروح حد وديان
كل عليه من أسود الوقت مثلوم = من ظيم بقعا يشتكي جان وانسان
الله يجيرك يالسنافي عن اللوم = عزاه يا مروي شبا لامع الزان
يا نمر من ظيم الولي مانت مظيوم = الله بخلقه ماين يابن عدوان
الصبر زين وينفرج كل مكتوم = كم واحد مثلك توطته الازمان
الحلم يجعل صاحب العقل مهموم = طيف الليالي مابها غير نقصان
لا عاد عند الناس يا نمر محشوم = دور عوضها عند حضر وبدوان

*****

 

 

.

*****

الشاعر مشعان بن مغيلث بن منديل الهذال رحمه الله وقصيدة في زوجته ويقال ان اسمها جرمة وتذكر الروايات ان اسمها سبيكة

يا موقدين النار جوكم مسايير = ناس دعتهم ناركم تشعمونه
الله يطيب فالكم يا مناعير = بسلام احلا من روايح مزونه
حطوا حطب حطوا على النار تكسير = الا سمي الترف لاتوقدونه
أمس الضحى عندي بوسط المقاصير = واليوم عني مبعدات ٍ ظعونه
أنا وخلي فرقتنا المقادير = وكم واحد بيديه يطرف إعيونه
من دونها حالوا عيال مساطير = علي ومشعان يعرضون دونه
من دونها اللي يكسرون الطوابير = وعزي لمن مثلي يصالي غبونه
فوق اشقح يتلي السلف والمظاهير = يتبع قطيع مغتر مثل لونه
منجاعهم وادي الشبيللي وأبا القير = أقفى مع الفدعان تطرخ اضعونه
وان كان سلتوا يارجال المخاسير = عن حالتي فالحال مني ترونه
وجدي عليهم وجد من طاح بالبير = خم الرشا وحال ازرق الجم دونه
أو وجد من صكوا عليه المشاهير = أزروا هل الردات لا يظهرونه
أو وجد راعي هجمة ٍ به خواوير = مايقدرون أهل الطلب يرجعونه
غدوا بها اللي يكسرون الطوابير = واقفا من اللوعة يصالي غبونه
اهجل كما تهجل خلوج ٍ على ضير = واندب وقلبي وهقنه ظنونه
على الهنوف اللي ثمانه مغاتير = غروٍ يغذي بالشمطري قرونه
ماكولها التمن على حنطة الدير = وتمرة شثاثا لاريش العين مونه
ومشروبها در البكار المباكير = تلقا الصبوح مبرد ٍ في صحونه
ملبوسها أزين ما سدوه الحواضير = تلبس طربزون مخثع ردونه
يالله ترد اللي تيسر على خير = والقلب من فرقاه كثرت إشطونه

*****

 

 

أبو توفيق الغالي
نقلت فأبدعت في النقل
قصائد غاية الروعة والجمال
لا عدمناك أبا توفيق

 

 

المشاركة الأصلية كتبت بواسطة أبو علي الغامدي

أبو توفيق الغالي
نقلت فأبدعت في النقل
قصائد غاية الروعة والجمال
لا عدمناك أبا توفيق

*****

شكرا أبا علي على تواجدك الدائم

لك خالص تقديري واحترامي

*****

 

 

.

*****

رمضان

رمـضانُ أقـبلَ يا أُولي الألبابِ = فاستَـقْـبلوه بعدَ طولِ غيـابِ
عـامٌ مضى من عمْرِنا في غفْلةٍ = فَتَـنَبَّهـوا فالعمرُ ظـلُّ سَحابِ
وتَهـيّؤوا لِـتَصَـبُّرٍ ومـشـقَّةٍ = فأجـورُ من صَبَروا بغير حسابِ
اللهُ يَجزي الصائـميـنَ لأنـهم = مِنْ أَجلِـهِ سَخِـروا بكلِّ صعابِ
لا يَدخـلُ الـريَّـانَ إلا صائـمٌ = أَكْرِمْ بـبابِ الصْـومِ في الأبوابِ
وَوَقـاهـم المَولى بحرِّ نَهـارِهم = ريـحَ السَّمـومِ وشرَّ كلِّ عـذابِ
وسُقوا رحيـقَ السَّلْسبيـلِ مزاجُهُ = مِنْ زنجبـيـلٍ فاقَ كلَّ شَـرابِ
هـذا جـزاءُ الصائـمينَ لربِّهم = سـَعِدوا بخيـرِ كرامةٍ وجَـنابِ
الصومُ جُنَّـةُ صائـمٍ مـن مَأْثَمٍ = يَنْـهى عن الفحشـاء والأوشابِ
الصـومُ تصفيـدُ الغرائزِ جملةً = وتـحـررٌ من رِبْـقـةٍ بـرقابِ
ما صامَ مَنْ لم يَرْعَ حـقَّ مجاورٍ = وأُخُـوَّةٍ وقـرابـةٍ وصـحـابِ
ما صـامَ مَنْ أكَلَ اللحومَ بِغيـبَةٍ = أو قـالَ شـراً أو سَعَى لخـرابِ
ما صـامَ مَـنْ أدّى شهادةَ كاذبٍ = وأَخَـلَّ بـالأَخــلاقِ والآدابِ
الصومُ مـدرسةُ التعفُّـف ِوالتُّقى = وتـقـاربِ البُعَداءِ والأغـرابِ
الصومُ رابـطةُ الإخـاءِ قويـةً = وحبالُ وُدِّ الأهْـلِ والأصحـابِ
الصومُ درسٌ في التسـاوي حافلٌ = بالجودِ والإيثـارِ والـتَّـرحْابِ
شهـرُ العـزيمة والتصبُّرِ والإبا = وصفاءِ روحٍ واحتمالِ صعـابِ
كَمْ مِـنْ صيامٍ ما جَـنَى أصَحابُه = غيرَ الظَّما والجوعِ والأتـعـابِ
ما كلُّ مَنْ تَرَك الطـعامَ بـصائمٍ = وكذاك تاركُ شـهـوةٍ وشـرابِ
الصومُ أسـمى غايـةٍ لم يَرْتَـقِ = لعُلاهُ مثلُ الرسْـلِ والأصحـابِ
صامَ الـنبيُّ وصـحْبُهُ فـتبرّؤوا = عَنْ أن يَشيبوا صومَهـم بالعـابِ
قـومٌ هـمُ الأملاكُ أو أشباهُـها = تَمشي وتـأْكلُ دُثِّرَتْ بثـيـابِ
صَقَـلَ الصـيامُ نفوسَهم وقلوبَهم = فَغَـدَوا حديـثَ الدَّهرِ والأحقابِ
صامـوا عـن الدنيا وإغْراءاتِها = صاموا عن الشَّـهَواتِ والآرابِ
سـارَ الغزاةُ إلى الأعادي صُوَّماً = فَتَحوا بشهْرِ الصْومِ كُلَّ رحـابِ
مَلكوا ولكن ما سَهَوا عن صومِهم = وقيامِـهـم لـتلاوةٍ وكـتـابِ
هم في الضُّحى آسادُ هـيجاءٍ لهم = قَصْفُ الرعودِ و بارقاتُ حرابِ
لكـنَّهـم عند الدُّجى رهـبانُـه = يَبكونَ يَنْتَحِبونَ في المـحـرابِ
أكـرمْ بهمْ في الصائمينَ ومرحباً = بقدومِ شهرِ الصِّيدِ و الأنـجـابِ

*****

 

 

قصائد رائعـة .. ومجهود رائــع .. من عضو متميز

عبد الرحيم بن قسقس .. تسلم يدك

دمت في حفظ الله

 

 

المشاركة الأصلية كتبت بواسطة إبن القرية

قصائد رائعـة .. ومجهود رائــع .. من عضو متميز

عبد الرحيم بن قسقس .. تسلم يدك

دمت في حفظ الله

*****

أخي العزيز إبن القرية

وجودك هو الأجمل والأروع لا عدمتك

*****