مما قيل واشتهر عن القهوة وانا قهوتي المخصص وقتها مهما شربت من القهوة هو بعد المغرب يقول المطيري 0
خمسة عشر فنجال لحنيف صبيت = لو أن بطنه قربة قد ملاها
فرد حنيف :
لاتحسبني من دلالك تقهويت = ماينقه الشراب من كثر ماها
فقال ناصر :
يا حنيف أنا في حمستي ماتدنيت = الدله الصفرا نكثر مناها
فرد حنيف :
وراك ماسويتها يوم سويت = مثل العميم اللي يزين سواها
ناصر ليا مني على البيت سجيت = يرخص حلاله ماحسب مشتراها
وأبن عقيل اللي يهلي ليا جيت = مشرع البيبان للي نصاها
فقال ناصر :
سبيتها يوم أنت للضلع لزيت = ضيافتك ياحنيف هذا جزاها
ودلال ربعك يوم بالزين ماريت = هم ربعنا قبلك طوال(ن) خطاها
فرد حنيف :
مانيتي ذمت هل الجود والصيت = الملعبه حنا نقوم سناها
ياموصي الحرمه على صكة البيت = تقول ماهو فيه وأنته وراها
علم الردى يظهر ولو به تهقويت = علم(ن) وكاد ويشهدون قصراها
ياخيبة أمك يوم قالت تمنيت = ياخيبة أمك ياقطيعة رجاها
هذه المحاورة كأمله للشاعرين ناصر العبد الكريم وحنيف المطيري وهم كما أسلفنا أصدقاء ولكن جاءت هذه المحاورة المازحة
الاخويه ولم يكونا يتوقعان أن بتناقلها الحفاظ والرواة حتى وقتنا الحالي .
آمل ان تكون هذه المحاورة وصلت الى ذائقة اخواننا القراء وأن تكون قد حازت على رضاكم واستحسانكم