في سلم الطائره = بكيت غصباً بكيت
على محبين قلبي = عندما ودعوني
بأشوف محبوب قلبي = بين نخلة وبيت
يناظر الطائره = يبغى يحرك شجوني
فعلاً أنا عندما = شفته بعـيني بكيت
وقلت بالله يا أهل = الطائرة نزلوني
بشوف محبوب قلبي = عادني ما انتهيت
وإن كنت غلطان = يا أهل الطائرة فهموني
يـا آه في آه كم = باقول يا ليت ليت
عسى محبين قلبي = عادهم يذكروني
خاف إنهم يعشقوا = غيري وأنا ما دريت
أحسن ليا الموت = لو هذا حصل فأقبروني

قبل اسافر كنت جالس في زمان الأنتظار =
ارتشف هم المكان وكل همي حاجتين =
كنت خايف من يباس وكنت خايف من خضار =
كنت اخاف انك تجين وكنت خايف ماتجين =
لين شفتك من ورى بيبان صالات المطار =
مقبله من كثر شوقك كنت اشوفك تركضين =
مرةٍ ركضك يمين ونظرة عيونك يسار =
ومرةٍ ركضك يسار ونظرة عيونك يمين =
تايهه ماكنك الا ضحكةٍ وسط أنكسار =
ساكته ماكنك الا دمعةٍ فيها حنين =
خايفه وجله حزينه يعني كنتي بآختصار : =
تشرحين لكل جاهل معنى كلمة عاشقين =
بعدها جيتك ولدّت عينك ودار الحوار =
من كفوفي دمعتين ومن كفوفك دمعتين =
كنت اصد وكنتي انتي ثايره مثل الشرار =
ماعلى لتغة لسانك غير كلمة وين ؟ وين ؟ =
وأذكر اني رحت قبل ابديلك ايّة اعتذار =
رحت حتى قبل اطيّب خاطرك في كلمتين =
لكن انتي عارفتني زين واللي صار صار =
سامحيني واذكريني قد ماانتي تقدرين =
اذكريني لاانتهت للشمس رحله مع نهار =
واذكريني لاصحى للصبح ورد الياسمين =
واذكريني لالمحتي في ليالي البرد نار =
واذكريني لاسمعتي للمطر صوتٍ حزين =
اذكريني واذكريني واذكريني بآختصار =
اذكري فهد المساعد قد ماانتي تقدرين =