اقتباس:
المشاركة الأصلية كتبت بواسطة أحمد بن فيصل
حام بي راسي وانا المح في المرايات
وليت الله منه علم. .....هذه من العلوم اللي المفروض نحاربها وندعي من كان سببها
انت في خاطرك لو كان لقيوا مصادر للطاقة على قولتك غير البترول إن حد بيلتفت فينا والا يلمح لنا
خلونا على ذا البنزين وذا الديزل..... والنفثالين مع إني مدري وش هو
لكنه من البترول يستخرج.....وفكنا من حكمك....ما عين أحد يشتري شمسك يولع بها كهربته....
الشمس في كل مكان....استغفر ربك يا أبو ياسر استغفر ربك....في خاطري إنك تخاف الله
|
اسمع يا ابا سهيل
انا باوسع صدري عليك انطلاقا من قاعدة انفك منك ولو كان اجبع .
بترولنا يا صدقاني ثروة ناضبة ( ما ادري كيف جت هذه العبارة على لساني ) وبترولنا عمره قصير ولو جفت بيارنا وبانت ضفادعها بنقعد ننش ذبان لانها بتحلق بنا من كل مكان وغيرها من البلاوي ولا شي فليت نكشها به خلاص ؟ ما تلاحظ ان تفكيري عميييق ونظرتي بعيدة ؟
لكن لو سوينا كما الناس وركبنا مرايا لاصبح عندنا ما نمد ايدينا فيه اذا نشف البترول وان كان مدري من فين بيجيبون فليت وما شي بترول ولا فكرت الا فيه ، الطاقة بتتوفر لكن الفليت فليت عصاة بقعاء من فين نجيبه .
عندي سؤال يهبد بنفسه قدامي ممكن تجاوبه ؟
ليش انت ناشب في نحري ما اقدر اكتب مزة من قلم الا وانت كما الجني ناشب في نحري ؟
انت تبغنيني ارسل عليك غرم الله والا ايش ؟ .
والسلام .