بغيت احج رحت مكتب حملة حجاج عشان احجز لقيت ذاك الهندي راسه يقطر زيت سلام صديق قال مرهباحجي قلت ماشاء الله حججتني قبل مااحجز قلت ابغى احجز للحج قال طيب حجي نفر (8000) ريال قلت يامسلم (8000) ريال يعني انا والكهله وبنتين ب(32000) ريال اربع ليالي يعني الليله ب(2000) ريال والله لو انكم بتحجزون لنا في فندق خمسه نجوم وتاج ومقص قال حجي هذا سعر شركه يبغي يحج ادفع خرجت ضايق خلقي لقيت صاحب لي قال وشبك مخنفر قلت بغيت احج قالوا النفر ب(8000ريال) قال يالطيف طيب عندي لك حل قلت وشهو قال اش رايك من (8000) ريال الى (800) ريال قلت كيف قال الرأس ب(200)ريال سياره تشلك الى اول عرفه تهريب قلت تهريب قال وبدون تصريح قلت يعني نبدأ الحج برشوه قال اجل ادفع (8000) ريال قلت ماعندي قال اجل انت منت مستطيع ولاعليك حج قلت الا مستطيع لكن هم خلوني ماني مستطيع قال بكيفك فكر ولا قررت رد مني رجعت البيت دعيت الكهله قالت هاه بشر حجزت قلت لا ادعي جمعان ولدنا قالت ليش قلت باوصيه جاء جمعان هاه يابه قلت اسمع ياجمعان وانا ابوك انا باوصيك قال هوه بتموت يابه قلت الله العالم اسمع لاخلصت المتوسطه وانا ابوك وقبلوك بالثانويه ونجحت في قياس والتحصيلي ونجحت بالثانويه وقبلوك بالجامعه وتخرجت ونجحت في اختبار القدرات والتحصيلي وقبلوك بالماجستر ونجحت في اختبار القدرات والتحصيلي وقبلوك بالدكتوراه ونجحت في اختبار القدرات والتحصيلي وقدمت على حافز وعينوك بعد عمر طويل وتوظفت واستلمت راتب حج عنا انا وامك وانا ابوك تكفى قال طيب واخواتي قلت يحججونهم سفانهم لاتزوجوا قال طيب يابه ما اعمر ولا اشتري سياره ولا اتزوج قلت البيت هذا يسدك والسياره نحا الونيت هنياك والزواج لاحجيت عنا تزوج وانت وزوجتك يحجون عنكم سفانكم لاجالك ولد وصه وهو بعد في الابتدائي يحج عنكم انا صح والا غلط؟