يوميات البريهه ( 7 )
هني عين الشمس يوم تبدي على الهيل
أمس أهلي كلهم أفلحوا سملقة عند بنت أختي وبغيت افلح معاهم وابا آبي وقال لاأفلحنا كلنا شن يقعد عند الكهلة أقعدي عندها يابريهه ...قلت يابه أنا ابغي أروح آشوف البنت الصغمبطة وآنا وصفتها من وصف أمي لها وعلمت خياتي فالمنتدى عنها ...قال انتي اقعدي اليوم ودور اليوم آنا أوديك...
المهم قعدت منكدة مع الكهلة ...وشوية قالن سوي قشر وسويتلها شربه قشر وكرعنها الكهلة في خمس دقايق ..وقالن سوي لي بن يابريهه وكثري الحوايج وكرعنه في ثلاث دقايق ...قالن أبغي شاهي ..وكرعنه في ثلاث دقايق ..والله اني آشوف الدخان يخرج من ثمها وخشمها الكهله ما تشرب الا حر ولا تحب الشي الصامط ...وطول اليوم وهي تملى وتفرغ ...وابيت اهبلها سمن ...ويوم كثرن عليه قلت باح ...ولا خلن ولا بقن فآبي ...(عروق الطيبين على قولها)
بعدين قالن يابريهه ان شا الله ما موت لين تنكحين ..واني أدنق (أستحي يافيت)
بعدين قالن يابريهه آنا باعلمك بقصيدة لواحد قالها في حبيبته ...قلت هات ياكهله .
قالن كان فيه واحد ولد مامع اهله الا هوه ..وجوزوه واحدة ايش الزيون ما كنها الا بنت صين الصين ....والله يحلفون انها كما شلخة الكاذيه .. وبعدين أهله شنيوها وحلفوا عليه انه يفكها ...وهوه مقوده مع امه ما يسكن يقلها لا ..قام فك مرته ....ولا مر ثلاثه ايام الا وغزل ووينه وين الجبال ماعد يعدي على أهله ...بعدين المرة خطبها واحد وليلة العرس طلع بعلها الأول على الجبل والقرية تحته ويسمع اللعب والغطاريف ...وردها في ضلعة يبكي وقال:
هني عين الشمس يوم تبدي على الهيل
ترقبه مالصبح لليل
وهني عينك ياقمر لا عدت بادي
بوم تبدي على الأحباب في كل وادي
وهني عنق الدله وهني الفناجين
يوم يتلمس بها الهيل
وهني ماي يشربه وهني زاده
يوم يندر في فواده
وهني قبر يندره وهني لحده
يوم يمسي فيه وحده.
وقعد يقصدبها طول الليل ويندر لين يقرب منهم ويعود ولقطوها الناس منه ذاك الليل ...ويوم أشرقن لقيوه الرعيان والحطابة ميت الله يرحمه ..
صدقوني إني اكتب وعيوني تهل على الضعيف ...والله يابعض الكهيل انهن مقذره
منقول...........
يتبع..............
.