.
*****
يقول الشاعر خلف العتيبي عن الحب
ياذيـب لاتجـذب علـي الذيـابـه = حول وانا ببدي مع الرجـم ياذيـب
والذيب خاوى من عصور الصحابه = له خوة تصدق مع أهل المواجيـب
بديت انا فـي راس رجـم عوابـه = وأبكي بدمع غرق الكـم والجيـب
عليك يامـن ساقنـي فـي عذابـه = سوق الركاب مكسرات المصاليـب
ركايب"ن" ركّابهن صار ما بـه = رحمه ولا ياوي لشيـب المحاديـب
أثره جـلاوي مـن ديـار القرابـه = مونس ومجفي عقب ماكان في طيب
ثم شب من بيـن القرابـه حرابـه = احرابة يجبر بهـا العظـم ويعيـب
اثر الهوى صعب على من مشابـه = يركي على كبد المهـاوي لواهيـب
ياكـم كـم وكـم لـيـل سـرابـه = ياطا على الديبان ما يعلـم الغيـب
ياقف على المجمول ويطـق بابـه = ويقول هذي مـن كبـار العواقيـب
الحـب بلـوى مـن بغـاه ابتلابـه = حب العذارى يالنشاما مهـو عيـب
العيب مـن سـود كتابـه وجابـه = يوم الرجـال يبيضـون المكاتيـب
هـذاك خايـب خيـب الله شبابـه = مهوب كفـو"ن" للبنـي الرعابيـب
اليـوم قلبـي مايفيـد الـدواء بـه = ادواه عندي مـا تسـر الأطابيـب
طبه طبيب الشوف جالـي عذابـه = كامل حسين أوصاف مابه عذاريـب
هافي حشا باب الردى ماسعى بـه = ارمي بضني في هوى البال ويصيب
اديـب مافـي سنتـه مثـل أدابـه = يدق في كبـود العـذارى مناسيـب
*****