اقتباس:
المشاركة الأصلية كتبت بواسطة دعبوس
الا ليت الزمن يرجع .. ورى والا الليالي تدور
ويرجع وقتنا لـول .. وننعـم فـي بساطتنـا
زمان اول احس أنه .. زمان فيه صدق شعور
نحـب ونخلـص النيـة .. وتجمعنـا محبتنـا
زمان مافيه لا غيبه .. ولا حتى نفـاق وزور
ياليته بس لو يرجـع .. ونسترجـع طفولتنـا
صغار قلوبنا بيضا .. نعيش بعالـم محصـور
ولا نعرف أبد أغراب .. ماغير عيـال حارتنـا
صحيح صغار بالتفكير .. لكن ماعلينا قصـور
نخطط نكسـر اللعبـة .. وتسعدنـا شقاوتنـا
نروح المدرسه بدري .. ونضحك داخل الطابور
نحاول نزعج العالم .. فـي روحتنـا وجيتنـا
وعشان نأخر الحصة .. نخبي علبة الطبشـور
نشاغـب بـس فالأخـر .. تميزنـا برائتنـا
نحب الضحك والهيصه .. نحب النط فوق السور
نفرفش ليه ما نفرفش .. مادام الضحك عادتنا
ولكن دارة الأيام .. وبـان الخافـي المستـور
وصار الهم متعلـي .. علـى قمـة سعادتنـا
كبرنا وصارت الدنيا .. تصف أحزاننـا بالـدور
وتهدينا الألم والهم .. غصب عن عين رغبتنـا
تعبنا من بلاوينا .. أحد ضيق واحـد مقهـور
وكـل غـااااارق بهمـه .. وفالأخـر تشتتنـا
وانا ماقول غير إلا .. ياليت أن الزمان يـدور
ويرجع للورى فتره .. نعـدل وضـع عيشتنـ
|
حياك الله يا دعبوس
إضافتك الشعرية تصور تلك الحياة في الزمن السابق
بالنسبة لي كانت تمثل أقسى فترات المعاناة مع الحرمان وقلة ذات اليد والتفاوت الطبقي الرهيب بين فئات المجتمع
كنا قريبين من الهنود والبنقال .. بل حياتهم الآن أفضل بكثير من حياتنا في تلك الأيام
الآن الحمد لله كل الناس في خير ونعمة واللي ما يصدق يمر على قصور الأفراح والفنادق
نسأل الله أن يرزقنا القدرة على شكر النعم والقيام بواجب الشكر خير قيام