اقتباس:
المشاركة الأصلية كتبت بواسطة علي فرحة
اسمحوا لي سوف أتدخل في الموضوع :-
1- لا تظلمون أبا ياسر حبيب الكل والجميع كثر الله خيره مر على أبا توفيق من البيت .
2- الريال في ذيك الأيام يسوى الكثير ولو خذ حقه يومها وشغل المبلغ كان اليوم ينافس الشربتلي .
3- أبو ياسر ما قصر قبل الحكم مع ما فيه من جور وهضم لحقه .
4- تزيدون الظلم وتقلون تروحون عنده .
5- احمد الهيل يوقف ضد خاله مجاملة للبشكة والا خوف من الكثرة .
6- يكفي أنه تحمل واحد يقل رمى البقشة في الحوض والسيارة كراون .
الحكم الذي احكم به 2500 ريال تدفع لأبي ياسر + حضور اللقاء الشهري سنة كاملة ما يدفع فرقة معكم + تقديم هدية عبارة عن مجسم سيارة كراون لأبي ياسر نصف قيمة المجسم من أبو توفيق والنصف يدفعه احمد الهيل ورفاقته اللي يخاف منهم ويجاملهم .
دد
الفضل لله ثم لأبي ياسر |
هذا الكلام السليم هذا الحكم العدل .
يا شيخ علي لو كان الحكم بايدي والامر امري اني لاعينك قاضي القضاة ، ما هوب حكم بعض الناس ناس ما يدورون الا ما ياكلون و (عاحمد ) يحكم على خاله ويفتح انظار وينخش وما كني خاله ودعوة مني تغديه شعاط معاط ، وانا ما اخفيك يا استاذ علي متعوب منعه لكن ما اقدر فيه الرجال ما شاء الله عليه هلعة ولو قام يتهب فوقي رحت قرص ورقبتي ما هيب خوط قضب يخلف ومثلك ما يعلم ، والى مني رحت اشكي منه قالوا حاح من عقلك انت شيبة مخرف وتدور فتنة ، لكن اذا جا رجال مثلك وشرواك يعرف ومطلع يحكم بالحق وينصف المظلومين ، ما هوب كما حكم راعي السمك والقنبري .
مجمل ومشكور والله يبيض وجهك وانا راضي بحكمك ولا عيني اغيره .
والسلام .