الشاعر الرائع رده السفياني شاعر ضمن كوكبة من شعراء الطائف والمملكة عموماً استوقفتن قصيدته
الطفل المشاغب ويسرني أن أثر بها الأريكة لهذا اليوم
في سرى الطابور الاول وقف
الطفل المشاغب يفرك يدينه ونادى
ليه يااستاذي الكريم ارسب
وانا اللي حافظ التاريخ وانشودة بلادي
من بداية عامي الهجري وانا سارح
وخطواتي ليا فصلي تهادى
الحقيبة في يدي اليمنى تهز
وفي يدي اليسرى تفاصيل امتدادي
كل حرف ٍ تكتبه كنت اكتبه مثلك
مع التشكيل دونه ما اتحادى
كل مااقلك انا يااستاذ ثار الفصل
والمقعد شرب صفق الايادي
اعرف اقرا واعرف اكتب واعرف احفظ
واعرف استثني السؤال من المنادى
اكتب اسمي واكتب اسم ابوي بعد اسمي
على الترتيب ماخنت المبادي
واعرف ارسم .. كم رسمت اصحاب دربي
في ضحى القريه من الوسمي صرادى
ينشدون اشعار مسعود اليتيم اللي
ذراه الحب في شفة هنادي
ليه يااستادي نجح سامي مع التقدير
وانا ارسب وانا وسامي ندادى
والوحيد الفرق مابيني وبينه كنت
انا ثاير وسامي كان هادي
كنت انا الاول في رفع الصوت
واوقاتي تمر خيول واسرجها فرادى
ماانكر ان الفجر صحيته وهزيت المدى
لكن مابعت اعتقادي
ابتهل وانوي صلاة الفجر بعد الوتر
واصلي واصوم أول جمادى
وانتشي وارتب احزاني وافتش
عن طريق يردني قبة سهادي
قلت له ياطفلي المسكون
باوجاع التمر والتوسل لاتمادى
كل مااستيقظت من صحو السبات
الرخو سم ونام .. محظور التمادي
وله أيضاً
موعد وشبّاك
فيما بقي والليل موعد وشباك
كان ونبذني للتطرف ذهولي
فيما بقي وانا اذكرك جرح وانساك
جرح تعلم كيف ينسى هطولي
الناس مروا من هنا راحوا هناك
ياليتهم وانا هناك اهتدوا لي
في عيونهم فيما بقي ورد واشواك
هم سولفوك وبالسهر سولفوا لي
قل بيض الله وجه صاحبك لو جاك
يحمل سهر طهر المكان الطفولي
قللي متى عصفور الاوجاع غناك
واعلمك كيف اشتراني فضولي
في دفتري قال القلم سهوي ادراك
وفي دفترك قال القلم مثل قولي
عني دخيلك رتب اخطاي واخطاك
وارسم فصولي من ملامح فصولي
تكفى تراني باب مشرع ولولاك
مااعطيت للعصيان شهوة دخولي
تقدر .. وهذا حزني العذب ناداك
الجرح خيلي والمواجع ذلولي
ماكنت وحدي كن انا وانت .. واياك
ترحل وحولي مثلما كان حولي