ذبحني الحب وكم شخص ذبحه الحب ولى وراح
وكم قلب يعيش بحـب ولكـن بالهـوى مذبـوح
اذا هاليل يجي عندك وياخذ من شعـرك وشـاح
اكيد القمرى لاشافت حضورك تختفـي وتـروح
قمر قلبك مـن عيونـك تمـده للفضـا وان راح
يفل النجم وانت تفل كل ضوك وسـط هالـروح
تمر ارض القصيد بكل عطر تتبختـر ومرتـاح
بعدها كل سطر وده يضمك بس عشـان يفـوح
اذا ترضى اكون افراح اذا تزعل اكون اتـراح
نعم اتقاسمك بيـن ابتسامـات الهـوى والنـوح
انا سلمتك القلـب النقـي وفـي يـدك مفتـاح
تعال ادخل وسط بيتك وعمر بالحنايـا صـروح
رضا عمري اذا تزعل اشوح العمر لك ملـواح
ولك كلمة تعال ولاتجي في صوتي كلمـة روح
فديتك لاتحاتـي لـو تجينـي منـك أي جـراح
ابيها لجل اوصلك واغنـي لخاطـرك مسمـوح
انت بزينك بطولك فـي شكلـك سيـدي ذبـاح
ياعم أجرح ولا تقصر وحط جروح فوق جروح
يهون الجرح لا صارت رموشك كل ابوها رماح
ولا اكابر عشان اطلع انا من عيونـك المذبـوح
قصيده لسالم سيار