في ليل البُـعد يالغالي سَرى لك شوقي الضميان
وعلى ضوء القمر تسْرِي لك آهاتي وحرماني
ومابين النوح وألوانه ودمع عيوني الشفقان
أموت اليوم والليله وأموت بشوقي وأشجاني
أموت وأحترق كلـّي وشوقي من الوَلـَه ولهان
حبيبي يابعد مَنْ لي بعد كلـّي وخلاني
بعادك أتعب أنفاسي وأشعل بالحشى نيران
وخلا دنيتي حيره وصَبـْر وشوق وأشجاني
أحبك ... ماتعبـّـر لك شعوري وأنا العشقان
وترى حبك نبض عرقي نبض روحي وأحياني
أحبك حُب ماتستوعبه عقلية الإنسان
يضيق به الفضا والأرض والبحر والقيعان
أنا .. من دمّ أسطـّـر لك حبيبي بالحشى عنوان
على دقات قلبي وإنتفاضة كل شرياني