اقتباس:
المشاركة الأصلية كتبت بواسطة غرم الله الفرنك
ابو ياسر من جد تصدق ان مانعرف الصابون إلا اذا
خرجنا الي الديرة في الإجآزات او إذا نزلنا نجران
وهل تصدقون أن هجر تلك الصحراء لايوجد فيها
مساجد لذلك صلاة الجمعه مانعرفها الإ في البلد
ابو ياسر اشوف احمد بن فيصل ما يعجبه كلامي
هاه وش رايك فيه انا صراحة من يوم مانذر بك
ذاك اليوم غسلت ايدي منه وآظن أني بأطلع الى عنده
وأنتزي وسط كرشته عشان ثاني مرة مايرادد على أخواله
ا |
يا ابو سعيد انت رجال عاقل ، وسع صدرك وانفك منك ولو كان اجبع ، هذا رحيم وبنتنا عنده ولو كثرنا عليه عود عليها لكن نصبر وندهك فوق الشوك .
بيني وبينك المجاهيم من الابل هي التي لونها اسود وماخوذ الاسم من جهام الليل بعكس المغاتير والتي لونها ابيض وربما اخذ من لون الغترة البيضاء وهناك الصفر والشعل واسماؤها مشتقة من الوانها او صفاتها وايضا الابل التهامية وهي التي تعيش على الساحل .
ورغم هذا كله كلامك هو الصواب من منطلق عنز ولو طارت وكياد له عشان انه قال المثل حق عنتر ( من معرفته بالصحابة يترضى عن عنترة ) والا يوم يقل اني احسب جبجب الحليب صابون ويقل عودوا ادرسوا من سنة اولى ، كلها محاقر يا غرم الله واتعبتني لكن بنصبر بنتنا عنده .
وانت اجل نطتك في بطنه كم يوم يمكن اقل يمكن يجي يستسمح منك ويسلم على راسك .
وسع صدرك الله يسعدك اما مجاهيمك فانت على حق ولو يصل راسه السماء ما معه الا كلامك . وكما قال الشاعر واكثر ظني انه احمد شوقي يقل :
يا تمر يا صفري مع علي فقعس ....... ناكل ولا ندري متي يجي المخلص
هيا لا احد يقل البيت في شعب والموضوع في شعب ، هاذي مسايل ما يعرفها الا الراسخون في الشعر ( بكسر الشين ) شروا ابو سعيد الله يسعده يفهمها طايرة .
والسلام .