|
أحذرو من جوائز الإتصالات
منقول للأهمية
حدث معي شخصياً اتصل بي شخص من رقم غريب .....!!! بدا بالتحية واخذ يعرف بنفسة معك احمد غلام من شركة الاتصالات السعودية ( stc ) سوا قلت: تفضل فقال : لقد ربحت من شركة الاتصالات السعودية جائزة بمبلغ 200 الف ريال سعودي اضافة الى 3 اشهر مكالمات داخلية وخارجية مجانية قلت : طيب والمطلوب مني قال : بعطيك رقم الشريحة الخاصة بجوالك عشان نتأكد انك انت الفائز بالجائزة ورقم الشريحة هو 899660 والمطلوب منك الان تقفل جوالك وتخرج الشريحة وتتأكد من رقم الشريحة واتصل فيني اذا كان مطابق لرقم 899660 قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم الي عطاني 899660 وعلى طول ماصدقت خبر انا فايز بالجائزة 200 الف ام الفله ياشيخ وعلى طول رحت اتصلت علية وقلت له الان طلع رقم شريحتي نفس الرقم الي عطيتني قال: مبروك الف مبروك ياشيخ انت في اي مدينة قلت : من الرياض قال : طيب احنا في الشرقية ونبي رقم حسابك ورقم بطاقة الاحوال عشان نحول لك الـ 200 الف ريال قلت :وشلون شركة الاتصالات مالكم مكتب الا في الشرقية المفروض اني فايز بالجائزة معناها لابد يكون فية شيك بأسم الفائز مو تحويل بنكي ( هنا انا دخلني الشك واستغربت من طلبه رقم الحساب البنكي ) قال: لا مالنا مكتب الا في الشرقية وانا الحين لازم اسجل رقم حسابك البنكي و رقم بطاقة الاحوال المدنية ولا بتروح عليك الجائزة قلت : قلت مافيه مشكله شوي واتصل فيك المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت اكثر من شريحة وطلع نفس الرقم ( 899660 ) لذلك احذروا من هالنصابين نقلته لكم لأخذ الحيطة والحذر حسبي الله ونعم الوكيل منقول |
بارك الله فيك يا ابا سعيد : والحرص واجب وإذا طُلب من احدنا رقمه السري ان كان له حساب في البنك او رقم بطاقته او رقم حسابه حتى ولو كان يدعي المتصل انه من موظفي الشركة او البنك فلا نعطيه ما يطلب والحذر واجب والمؤمن كيّس ( بتشديد الياء ) فطن . شكرا لك يا ابا سعيد وفقك الله ورعاك . |
شكرا لك للاخ / غرم الله على هذا التحذير ولكن الموضوع مكرر حيث تم نقله الى هنا قبل عشره ايام ولكن في الاعاده إفاده وتقبل مرور وودي http://www.sahat-wadialali.com/vb/showthread.php?t=11962 |
بارك الله فيك يا ابا سعيد : والحرص واجب وإذا طُلب من احدنا رقمه السري ان كان له حساب في البنك او رقم بطاقته او رقم حسابه حتى ولو كان يدعي المتصل انه من موظفي الشركة او البنك فلا نعطيه ما يطلب والحذر واجب والمؤمن كيّس ( بتشديد الياء ) فطن . شكرا لك يا ابا سعيد وفقك الله ورعاك ابو ياسر اسعد الله أوقاتك بكل خير سعدت بمرورك العطر فلك مني جزيل الشكر وبارك الله فيك |
الأخ العلوي اسف على تكرار الموضوع لأنني لم اشاهده لك مني كل الشكر على التنبيه |
| الساعة الآن 12:54 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir