|
. ***** انا اشهد ان الهوى يالعاشقين أشكال وانـواع = احد(ن)دخل مسلكه واحد(ن)سحابه يستخيله اللي دخل مسلكه شاريه بالميـزان والصـاع = وذاك يبـراه بالمنـدى ومطـوى صميـلـه ياعزتي للذي له عـن ربيـع النفـس منـاع = احرق ضميري كثير الصبر والهجـره طويلـه عذلت قلبي عن اللي يشتهي لاشك ماطـاع = و رد وعصاني ولابه ياهل المعـروف حيلـه على براحات قلبي يـوم ثوبـي شبـر وذراع = يوم إن مالي مع هل الغـي طـاروق اشيلـه واليوم قلبي على لاما هاك المخلـوق ينصـاع = كما يصوع الجوازي ريـح بـارود الفتيلـه ما جالي اسناع يمة صاحبـي ماجالـي اسنـاع = اسير في ليلـة ظلمـا يضيـع بهـا الدليلـه لو صحت في صوتي العالي فلا عيّنت فـزاع = يفزع معي بالمـروه والـد قاقـه والجليلـه الله يسقي زمان قد مضى لـي فيـه مربـاع = يوم الموانـي تسيـر مـن قبيلـه فـي قبيلـه ***** |
. ***** ياحمامه غريبة عند بـاب السـلام = شفت رسم الهوى باطراف جنحانها ذكرتني طواريق الهـوى والغـرام = حارت الرجل بالمسعى على شانهـا رسمها رسم نجد اللي سقاه الغمـام = ياعرب كن زهر الـورد باوجانهـا ليتني طفت معها بالحـرم والمقـام = افهق الناس عنها وارفـع اردانهـا عقبها العين ماذاقت لذيـذ المنـام = من يلوم العيون بشـوف خلانهـا اتنشد ولا جاني وكيـد العـلام = عسكر القلب عقبه مات سلطانهـا ***** |
ابو توفيق اغبطك على احساسك الراقي ودوقك الرفيع ولست وحدي من يقول ذلك فالساحات اصبحت حديث المجالس تحياتي 00 |
| الساعة الآن 06:47 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir