مما قيل عن الصاحب

قال أحد الشعراء عن الصاحب (الصديق)

الصاحب اللي صحبته بس يومين
مغير يقضي بك لزومه وينساك



يكره اذا شافك على المنصب الزين
والا اذا شافك على الجرف درباك



تفعل جميل وهو يجازيك بالشين
طول الدهر دايم يحسب خطاياك



عز الله انه مايعرف القوانين
طبع اللئيم اللي اذا اكرمته آذاك

-----------------------------------
ويقول الشاعر عبدالله علوش الهاجري :



ماعاد يرضيني وفى ولا يزعلني جفى
متساوي في خاطري ظلم العرب وانصافها


ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها


من اول لخفيت لي علم عن الناس اختفى
واليوم هذي حالتي مابه حد ما شافها


قعدت احسب وش ربحت ووش خسرت ووش صفى
ياحي روس اموالنا قبل الطمع باضعافها


تعبت ادور فالقلوب البارده ليلة دفى
والقى استغلال النفوس وكذبها واجحافها


حتى اقرب العالم لو يوقف معك وقفت وفى
اصبر وتدري وش دوافع وقفته واهدافها


عاد انت يالوجه الجديد اللي تبي وصل وصفى
حبال وصلك شوف لك ناس تمس اطرافها


انا على موعد مع واحد وكانه مالفى
ما عاد ابيش من السنين سمانها وعجافها


لاني عقب مارمش عيني صاحب النوم وغفى
حلفت ما رده على اشيا من عرفها عافها


العشق وامراض المحبه واستحالات الشفى
واغلب علاقاتي مع العالم اشوف انكافها


وذالحين عن اذنك وسامحني اذا لساني هفا
نفسيتي ماعادني بقدر على لطافها


والموعد اللي كنت قبل شوي جالس له عفى
ما جا ودقايق موعده راحت وقدني خلافها
------------------------------------------
وهذا شاعرآخر يقول :


ياصاحبي ماعاد به صاحب وخـل
كل البشر حولي وحوش وضواري
هذا زمان الكذب والجـوع والـذل
وهـذا زمـان مدوريـن الاثـاري
ما أحد على شوفك يبي يفرش الزل
ولا أحد على فرقاك هل العبـاري
كل بنفسـه شايـل الحقـد والغـل
ياكثر من قلبه من الطيـب عـاري
ناس تفيـا فـي عمـارات و فلـل
وناس فقـارى ماتحصـل مـذاري
حتى الشجر ماعاد تلقى بهـا ظـل
يبست وتذراها هبـوب الـذواري
والغيمة اللي وبلهـا مابعـد هـل
صارت سراب وجف مابالغـداري
ملت خطاوي رحلتي والصبر مـل
مافيه داعـي للتعـب والمسـاري
الحنظله ما تنبـت الشيـح و الفـل
لوهي على نهر من العذب جـاري
ياقل من يحرص على الطيب ياقـل
وياكثـر نـاس بالخطايـا تمـاري
هدايف تكرم عـن المـدح وعلـل
ما للشهامه فـي لحاهـم مـواري
ياصاحبي والوضع ماعاد له حـل
المرجلـه مابيـن بايـع و شـاري
تخالطت هـزلات الايـام والجـل
وتساوت صقور الهدد و الحبـاري

_________________________

 

 

هذه قصيدة كتبها .. الشاعر في أحدهم

عندما لا يلقي لـ [ صاحبه ] بالاً

ولا يوفي له حق الصحبة

وقد كان بينهما دراسة وصحبه

ـــــــــــــــــــــــــــــــــــــــــــــــــ

الـصــاحــب اللي مـا سـأل عـنـك مـرّه
قـلّي وش اللي بـالــوفــا يــنـــبــغى به

مـا يـتـصـل بـك كــود عـنـد الـمـضـرّه
إن كــانــهـا خــصــلـة فــهــذا ردى به

حــاولــت ادوّر لــه عــذر لاجـل ابـرّه
لــكــنـَّـه اعـــذار ( ن ) بـحـــالــه تــشــابه

بـيــن الـجــفـا والـصــد حــالـه يـجـرّه
والهاجـس اللي بالـضـمـيـر ابـتـدى به

يـقـطـع ومـن بـعـد الـقـطـيـعـه تـشـرّه
هو يـحـسـب انه مـا تـجــيـه الـمـعـابه

لا هــو عـطى خــيــره ولا كــف شـرّه
حـق الـصــداقـة بـيـــنــنـا مـا وفــا به

يـا مـا عـطـيـتـه بالـعـــطـا مـا يـسـرّه
ويـا مـا كـفـيــتـه بالـنــفـايـس عــذابه

لــكــنـّــهـا قـطــيــعــتــن مـســـتــمـرّه
عـلــيـه فـعـلــن مــنـه مــا بـه غــرابه

مـثـلـه يـســوّيــهـا ولــو هـي تـضـرّه
مـا يـحـسـب حساب الصديق وعـتـابه

خطو الـردي مـا يـنـعـرَف بالـمــسـرّه
وقـت الــرخـا كــلـّـن يـغــطّي غـيـابه

( عقاب بن ممدوح المرزوقي )

أبو ناهل

سلمت أناملك على ما سطرت

دمت بخير

 

 

الرائع دائماً وابداً : إبن القرية

انت الوفا والجود عندك مقره
شهم وكريم ويتسم بالذرابه
يسلم لسان بالمعالي تفوه
يريح سمعك من محاسن خطابه

.... عذراً فهي أبيات على عجاله ....

 

 

الخسائـر كثيـرة واكبـر انواعهـا فقـد الصديـق
الصديق الذي تدعـي وتلقـاه فـي يسـر(ن) وشـده
ان نصيته تجمل وان توزيـت فـي ضلـه وزيـت
والحقيقة ان من ذا الصنف كود(ن) تجد في المية واحد
حتى بعض الاقارب ينكر القـرب الا جـار الزمـان
واكثر الناس وقت العافية ماعاد احلى مـن هروجـه
وان جت الزحمه كنك مالمضيلف وكنـه مـن سبيـع
بالله ياكل عاقل ساير الناس واعـرف مـن تصاحـب
ثم خذهـا نصيحـة لا تصـدق سواليـف الضحـوك
وادرس احوال من وده يسايرك فـي خطـوة مديّـه
ان لقيتـاه ونـعـم يـرفـع الــراس ولا جنـبـه

الشاعر صالح اللخمي





ابو ناهل

يعطيك العافية

تحياتي
...........

 

 

أخي العزيز : عبدالعزيز بن شويل
بارك الله فيك وفيما أضفت
ماشاء الله مميز في كل شيء حتى في ردودك
التي تشكل إضافة هامة للموضوع

( واكثر الناس وقت العافية ماعاد احلى مـن هروجـه
وان جت الزحمه كنك مالمضيلف وكنـه مـن سبيـع
بالله ياكل عاقل ساير الناس واعـرف مـن تصاحـب
ثم خذهـا نصيحـة لا تصـدق سواليـف الضحـوك )

لقد إختصر الشاعر صالح اللخمي في هذه الأبيات مايمكن ان يكتب
في عدة فصول .... أبوفهد : دمت مميزاً ولاعدمناك .

 

 

الحبيب ابوناهل انت من المبدعين فيما تطرح وفيما تقول فلقد عرفتك اكثر في المخيم
صاحب روح مرحه وكلمه عذبه ولن ازيد على موضوعك الجميل الاهذا البيت المتواضع

ياعين وين اللي من الناس نغليه الصاحب اللي مايفارق خيالي
تقبل مروري ودمت بود

 

 

يعلم الله ياابوخالد إني يوم الإثنين الماضي في سيرتك بالخير
انت وشلة الأنس في المخيم فقد كنت برفقة أصدقاء ونسيت نفسي
وسرت اقول هذه حزة حليب ( معويه)وهذه اللقطة التلفزيونية
لو شافها أبوخالد وهكذا حتى ان احدهم قال مداعباً :
ياخي كان ماهديتم المخيم وآخر (زهراني) قال شوقتنا للمخيم
بإذن الله أجيكم العام القادم .
.... نعم الصاحب والصديق الوفي انت ياأباخالد ولاعدمتك .
واهديك هذا البيت لدايم السيف :

لاتعجب ماعلى الدنيا عجب
حكمة الرحمن خلاها تدور

 

 

يعطيك الف عافيه ابو ناهل على ها الطرح المميز

واليكم بعض ماقيل في الصاحب والصديق

الـرفيـق قبـل الطـريـق

( مثل عربي )

الصاحب للصاحب كالرقعة للثوب ، إن لم تكن مِثْلَهُ شَانَتْهُ

( ----- )

متى أصبح صديقك مثلك بمنـزلة نفسك فقل عرفت الصداقة

( ميخائيل نعيمة )

من يبحث عن صديق بلا عيب ، يبقى بلا صديق

( مثل تركي )

إذا كنت تملك أصدقاء ، إذاً انت غني

( بلوطس )

قل لي من تعاشر أقل لك من أنت

( سرفانتس )

كلُمْ صديقك سِراً ، وامدحه أمام الآخرين

( ليوناردو دافنشي )

 

 

الغالي والحبيب : أبوأحمد
أشكرك على هذه الإضافات الهامة والرائعة للموضوع
والتي جعلت له بريقاً مميزاً .... بارك الله فيك ولاعدمناك .

 

 

موضوع(الصحبة)أو الصداقة يحتمل كتب و دواوين .. شكرا لك هذه الاضافات الخضراء