يالله تغفر لي ولا تبلاني = تجعلني أبيض قلب صافي نيه

.

*****

قصيدة يالله تغفر لي ولا تبلاني
كلمات : الشاعر علي بن حمري القحطاني

بصوت صاحب الصوت الجميل الشاعر محمد أبن زميع القحطاني



وفي هذه القصيدة يتحدث الشاعر عن فقره وكثرة ديونه .. ويشتكي حاله للأمير سلطان بن عبدالعزيز رحمه الله ويقول الناس يهرجون عن حاله كغني وهو فقير


يالله تغفر لي ولا تبلاني
تجعلني أبيض قلب صافي نيه

وتعيني في الماقف الانساني
وتصلح لنا في المال والذريه

سترك وعفوك خير مما اعطاني
امعزبي سلطان من الجاهيه

أنت اكفني من عثرة الصدقاني
عثرة ردي توجع النفسيه

وازهل علي مواجهه عدواني
روس العدى كرامة الجنبيه

وأنا لساني في اللزوم حصاني
خيره وشره كل أبوها ليه

اسخره في خدمة الأوطاني
أو في مجال الدعوه الدينيه

ومن دون حكام البلد له شاني
ومن دون ربعي وقفته مثنيه

مرات ياخذني على خلاني
الحب وزن الشعر والقافييه

عندي يساوي قلة الياباني
وما عده العساف في الماليه

ياكم وياكم شايبي وصاني
كم مرت(ن) يظهر لي المخفيه

قال العرب كلامها مجاني
وأفعالها بالفلس والربيه

عز الله أنه شايب(ن) رباني
ياجعلني فدوة تراب احذيه

سلام ياتاج(ن) على التيجاني
على جباه(ن) طأهره واتقيه

عمي وعم(ن) من على عماني
وأبوي لو الأسما مهي مسميه

معزبي ومعزب الشيخاني
و العهد عهده والولأ وألييه

يأ سيدي السلطاني لأ تلحاني
واسمع سوالف روحي المشقيه

خوتك خوه يأ أخطل ألذرعأني
لكن لحقني منها محقيه

كبرت جاهي واكثرو ضيفاني
وضالوا علي الربع والعانييه

وخسارتي تدبلت واقذاني
فقري وقل الحيل في يديه

قالوا عطاه الدر والمرجاني
وقالوا هباله قصر في الشرقيه

وقالوا رصيدي يبري الوجعاني
وأنا على سيارة(ن) كوريه

هي والشبح وكيلها الوعلاني
سبحان من فرق أخ(ن) عن خييه

قل للمحيسن ينجز القحطاني
يصرف مايبني عشة الزوجيه

يعطيني الي قلت واما أعطاني
أظهرت دمعـة عيني المخفيه

عصاة موسى وخاتم سليماني
ما حركت في أبن المحيسن شيه

لا جيت أعايد على شيباني
حنيت نفسي من خلا كفيه

فقير ويعـايد على فقراني
أمحق فقر وامحق بعد عيديه

ياميير مشين موتة الوحداني
وان مات لا هذي ولا هذيه

من حر قيض الأرض في الصماني
يمشي الجمل بالطاقه الشمسيه


آمل أن تنال رضاكم

*****

 

 

نسمع بأن الأخوياء في خدمة الأمراء بخير حال

وهذا إمّا يتحاشى الحسد وطلبة الناس

وإلا صادق وينقل مايعانيه خدم علية القوم

القصيدة شكوى جميلة

سلمت أبي توفيق على ماتنقه من جمال انساني