الربيع أقفت به اللي كانت التاج لجبينه ..

.

الله اللي راد والعقده قضاها اللي عقدها = لا على الدنيا سلام ولا لباقي العمر زينه
الفضا ماكنه إلا خيمه طاحت عمدها = والفرح ماكنه إلا شيخ انقصت يدينه
والعمر قطعه زجاج انكسرت ولاطال امدها = والعرب في العيد بدموع اليتامى مستهينه
والشوارع لفها ثوب الظلام اللي هجدها = والبيوت اطلال من عقب المحبه والسكينه
والشتا والليل والبرد وسما يصرخ رعدها = والعيون اللي ورا الشباك مذعوره حزينه
طوّلوا بالغياب الاصحاب وبقت روحي وحدها = كنها في كوكب ثاني خلا من ساكنينه
الوداع اللي بعلم العين يعبر من رمدها = والوداع اللي بلا علم القفص صدري غبينه
والوداع اللي بلا رجعه علي امر وادها = والله انها غرغرت سُم وسكاكين سنينه
والعنود اللي جفيت الناس والدنيا بعدها = مدت الفرقا لغاليها وهي تعطي الثمينه
وينها كيف تركتني ليه ماجت في وعدها = والقمر لاطل وخابرها تجي بيني وبينه
رحت أنادي واتلمس في مهب الريح يدها = كني حصان بلا صاحب طوى البيدا حنينه
رحت أصيح الصبح وينه والعرب مارد احدها = ماسمعت إلا صدى صوتي يقول الصبح وينه
كلهم من يوم ذيك الشمس غابت عن بلدها = طلعوني بالنفود وصكوا أبواب المدينه
كلهم من يوم ذيك الذاهبه محد وجدها = كل رجال من الشرهه قلع في الدرب عينه
أثرها ماتت وماتت كل فرحه في مهدها = والربيع أقفت به اللي كانت التاج لجبينه
جاورت عقب الحدايق حفرة ما قسى لحدها = حفرة ماني مصدق كيف ضمت ياسمينه
للحزن فيني مثل ما للطهاره في جسدها = وش أسوي لافتشت اللي لها وسط الخزينه
زخرفت حلم وبنت له مسكن وسمت ولدها = آهـ .. لوغرت ولدها في خميلة والدينه
عاهدتني وقفرت بيمين أقوى من عهدها = والصميلا خير فيه إن كان ما نفذ يمينه
ما تثقا عن رثاها عرق اقتض بشهدها = ولاتبقى خلف قضبان الجفن عذري سجينه
كيف عند العالم أيام العزا ماحصى عددها = ولا أنا طالت شهوره والله أعلم كم سنينه
لا الثرى فيها نبات ولا المشيخ أخفف نكدها = لا السما فيها طيور ولا البحر يمه سفينه
لا القمر هذا مساه ولا النجوم هذا سحرها = لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها = قال لي ابشر بالعوض والعلم جيناه ناقلينه
ساق لك بدر البدور اللي نشدها من نشدها = جادرٍ هزت عروش وخيبت روس ذهينه
قسمها في رسمها في جسمها إلا في رشدها = واسمها إن جا للغضب قومه على الألسن رطينه
اترك الناي وعطية شيخنا غنى لسعدها = وانبسط ياعم وانسى اللي ورا التربه دفينه
قلت ولصدري تناهيد تروع من شهدها = آهـ .. واويلاه من يجيب لقلبي أنا .. ظنينه
خلوا أغلى ذاهبه ترعى ربيع اللي فقدها = والعطا راعيه محدٍ صوبه الله لايهينه
لوضمنت الجنه تفاحة القلب وشهدها = قلت من بكره عسى مجنونها تاقف سنينه

.
.
.
.
.
.
.
.
.
.
.
.

 

 

اخي ســاري
ابداع وتالق .. قلم لامع .. تقبل مروري