حمدان يا حمدان أمك توصيك

قصيدة مؤثرة لأم أهملها ولدها واودعها دار المسنين ولم يزرها 3 سنوات ... وكل ذلك لعيون زوجته ... فقالت هذه القصيدة للدكتور المشرف على حالتها واوصته قبل وفاتها بأن يوصل هذه القصيدة لولدها الجاحد...

يا مسندي قلبي على الدوم يطريك ……… ما غبت عنـي وطيفـك سمايـا
هذي ثلاث سنين والعين تبكيـك ……… ما شفت زولك زاير(ن)يـا ضنايـا
تذكر حياتي يوم أشيلك وأداريـك …….. والآعبك دايـم وتمشـي ورايـا
ترقد على صوتي وحضني يدفيـك …….. ما غيرك أحد(ن)ساكن(ن) في حشايـا
وليا مرضت أسهر بقربك واداريك …….. ما ذوق طعم النوم صبح و مسـايا
ياما عطيتك من حناني وبعطيـك …….. تكبر وتكبـر بالامـل يـا منايـا
لكن خسارة بعتني اليوم وشفيـك ……… وأخلصت للزوجة وأنا لي شقايـا
أنا أدري أنها قاسية مـا تخليـك ……… قالت عجوزك وما أبيهـا معايـا
خليتني وسط المصحة وأنا أرجيك …….. هذا جزا المعروف وهـذا جزايـا
يا ليتني خدااامـةً بيـن أياديـك …….. من شان أشوفك كل يوم برضايا
مشكور يا وليدي وتشكر مساعيك ……. وأدعـي لـك دايمـ(ن)بالهـدايـا
حمدان يا حمدان أمـك توصيـك …… أخاف ما تلحق تشـوف الوصايـا
أوصيت دكتور المصحة بيعطيـك ……. رسالتي وحروفهـا مـن بكـايا
وأن مت لا تبخل علي بدعاويـك …… وأطلب لي الغفران وهذا رجايـا
وأمطر تراب القبر بدموع عينيك …… ما عاد ينفعـك النـدم والنعايـا

منقول لعيونكم ...

دمتم بود ولا عدمت ردودكم...