حوار بين الجباهه والعتبه !

الجباهه : هيه إنتي ياللي تحت.‏
العتبه : تنشغر ... اش هذا الصوت الجهوري المهيب!‏
الجباهه : إنتي يا خشب ... ما تسمعين ؟
العتبه : أحد يدعس عليّه بحذيانه يالربع ... انا اسمع او اتخيل؟
الجباهه : لا ما تتخيلين ... انتي في علم ما انتي في حلم .‏
العتبه : معليش ياللي تتكلم ... اليوم ما احد دعس عليه او مسح رجله على ظهري ... عشان كذه ‏انا دايخه.‏
الجباهه : طيب انا ما احد لمسني من يوم رزّوني الأولين فوق الرؤوس وما اشتكيت!‏
العتبه : اما انا محلت وسودت جنوبي وتعودت على الدهك ولا اقدر اعيش بدونه.‏
الجباهه : سبحان الله ... وعاجبك الحال!‏
العتبه : هي مسألة تعوّد ... انت ذلحين ماتلامين الذباب فوقك .‏
الجباهه : ولكن انتي مالك داعي ليش اصلاً موجوده!‏
العتبه : انشبوني هنا و استجلدت ولا عاد اقدر اتحرك
الجباهه : اما انا والله لو احد لمس طرفي لأندر ... وانتي تعرفين اذا انا ندرت اش بيصير.‏
العتبه : وش بيصير يعني ؟
الجباهه : اول من يتأثر إنتي لأنك تحتي بأطيح عليك ... وعلي وعلى اعدائي ... وكل الحجر اللي ‏فوقي بيتناثر ... ويطيح السقف ... ويميل المرزح ... و ... و ... و