بن وجران وبن رمزي قارعة..

قارعة جرت بيني وبين الشاعر حسن بن وجران على الله تعجبكم
البدع / بن وجران
قال بن وجران غامد مع زهران قـوم
اسمهم واحـد وزهران والغمد رجــال
ان بغيت اقول زهران والا اقول غامد
بعضها في بعض زهران والا غامدي
الرد/ عبدالله رمزي
يا حسن ما ظن يا جي مع الزهرا نقوم
لاسقي من صافي الجم وسط المدر جال
من تغرّز به وخذله من الصبيان غامد
مثل حد السيف مشهور وإلا غامدي
بن وجران
اعرف احدود الشباء واعرف اضنون العلوم
واعرف المخيال من مكنته في كـل حـال
علم المجنون وش بي يحصل لانتوى حـد
الشبـاء ماكـان مكسـور والا مقصـدي

الرد بن رمزي
أنت شاعر قد عرفت المسايل والعلوم
وأنا ما حسّبت للي معك في كل حال
ماعليّ من العرب دامة أنا وأنت واحد
اعرف مقصودك ولا شك تعرف مقصدي
بن وجران
ياعبدالله منت مخطي ولامنـك الليـوم
ماكمـاك الا شـداء مايجيبـه قيلقـال
خذ كلامي ونتبه دوب بعض العلم والرد
خله في قلبـك ليارحـت والا عايـدي
بن رمزي
ابن رمزي قال لابد نصبر كل يوم
انا ما فكرّت فالهرج وإلا قيل قال
من بيبدع لي قصيدة فيبشر ياخذ الرد
بالله قولوا لبن وجران خلك عايدي

بن وجران
دربكم لاهو نشيباً وفايـت ومضلـوم
والجيد للضيف في منزله يبني الحلال
والدخن والبر ون قلت لك سمناً وشاهد
ماخلي بيته من السمن والا شاهـدي

الرد بن رمزي
ياحسن مثلي من الناس تاعب ومضلوم
انت وش عرّفك باللي حصل يابن الحلال
الحقيقة بينة ماتبي قاضي وشاهد
وكتاباتي وقولي دليل وشاهدي

بن وجران
يالله اني ادعيك ياخالقي في ستر دوم
وجعل قلبي للعلى شامخاً والا تعـال
ماعشقت الا صروح المنابر والمساجد
اقربي يانضرت العيـن والابوعـدي
بن رمزي
الزمان اللي مضى حط فوقه ست ردوم
لا تقل باعود لك يا زمن وإلا تعال
خل هرجك جد من صبح يومك والمسا جد
خذ من الصحاف عبرات وإلا أبوعدي


بن وجران

الله يكفينا من اهل االطلاسم والنجوم
فعلها يغدي بيوتـاً نصايبهـا هـلال
ماكسبنا غير قاله و طولة جد من جد
وانبسط لاشفت لي فارساً وبـواردي

بن رمزي
ما بيخفى البدر في مطلعه بين النجوم
زايداً عنها بنوره بدر وإلا هلال
ليته يرحمنى ويعطف وياوى ولي منجد
تيه النظرات في صدرتي وبواردي

بن وجران
ياسـلام الله لقصـراً مشيـد بالـرخـوم
شيدوه اهل الوفاء والكرم من حـر مـال
لو بغيت احسب بيوتاً مع اهل الصقر واعد
عمروها من حجر صلب وبساطـح مـدي
بن رمزي
الصقر يبقى صقر مايشبه بالرخوم
لاعتلى فالجو وانقض في منحى الرمال
تعرف أن الصقر له منزله والصقر واعد
لاتقولوا كلها طير وبساط احمدي