على الجرح

حياكم الله مع ما راق لي من شعر سعد بن جدلان



ياصاحبي ::

يا صاحبي خل قلبي يدله أحـلا لـه 0 القلب لاسج من موضوعك أريح لـي
أنا إلى جيت عندك صابنـي حالـه 0 جوارحك كلبوها عنـك تشـرح لـي
أعرف ملامح عيونـك وش تعنالـه 0 لاصار منتب بصـادق لا تلمـح لـي
الوضع مزري ويوسف له ويرثالـه 0حاول على وضع يصلح لك ويصلح لي
أما اعتبرني ذكي منتب علـى بالـه 0 وإلا اعتبرني غبي مره ووضـح لـي
ليا متى وحن على ذا الوضع والحال 0 تقودني للخطا وأخطي وتسمـح لـي

وتحياتي للجميـــــــع

 

 

مع اليامي في شيلة ياصاحبي لا تعاتبني للشاعر سعد بن جدلان



يا صاحبي لا تعاتبني وسامحني * بالكلمة الي رفيقك ما تعمدها
المحك في المرقب العالي وتلمحني * والا الردي من ظهرها راح مع يدها
الناس فيها بلا والوقت جارحني * والمخطية خل ولد الناس يطردها
بالرمح كنك على المثناه رامحني * لا شفت قومٍ تخلت عن عوايدها
ما ني مصارح خويٍ ما يصارحني * ولاني من الى وجيه الناس يعبدها
لا خير في صاحبٍ لا جيت يمدحني * ولا رحت كثر عذاريبي وعددها
ولأعرف خبيثٍ بهزل الجد مازحني * الناس في عيونها تعرف مقاصدها
عزمي قوي لو صدوف الوقت تنطحني * وامشي وعثرات ربعي ما تصيدها
يا ذا الدهر من سمومك ليه تلفحني* انا بذلت الجهد مخشى نقايدها
ودعتك الله مصافح وأنت صافحني* لا عاد تنقص علوم ولا تزودها
بحتك وأنا طالبك يا ذا الدهر بحني* واسرارنا خلها في وسط مضمدها
لاشي يحزن ولا به شي يفرحني* وفضايل الله علي ما ني بجاحدها

 

 

سلام يليق بهذا المتصفح ومرتاديه



‏​‏​‏​‏​‏​احيان صدري من نظر عيني يضيق
واحيان لا واللـه من اللي اسمعـه

مدري أنا اللي غـير واحساسي رقيق
وألا صــدور الناس ما فيها سعـه !


ودمتم بود