رحت يم الطبيب اهداء خاص لااباتوفيق

رحت يم الطبيب اللي يداوي الجروحي
قال جرح المـودّة مـا يسـر الـدوا بـه

قلت قلبي تكلّف يا الطبيب النصوحـي
قـال طبّـه مـع اللـي ولّعـه وإشتقـى بـه

قلـت بالله تجمّـل دلّنـي ويـن أروحـي
ويـن أبلقـى علاجـي و الأداوي تشـابـه

أوّل الليل أهوجس و آخـر الليـل أنوحـي
وا عـذاب المولّـع بالهـوى وا عذابـه

صابني بالعيون والحجاج الذبوحـي
و أحمـر المبسـم اللـي مـا يعالـج صوابـه

منك روحي خطيرة يا حبيبي تروحي
الهـوى يذبـح العاشـق وهـو مـا درابـه

ليت عينك تشوف وليت مسمعك يوحي
يوم انادي ودمعي مثل وبل السحابـه

اه من واهج اه بأقصى الضماير يفوحي
كل ماشرب عليه الماء يزيد التهابه

ياحبيبي علامك بالمواصل شحوحـي
ارحـم الـي معـاك مـا جابـه الـورق جابـه

جاك علم الصحيح و راح هرج المزوحي
كل شي الا التّفرق ماحسبنـا حسابـه

للشاعر الفالح

 

 

.

*****

حيا الله أبو ميس

تحية وتقدير للهدية ولحسن الاختيار الرائع والكلمات الجميلة وكما هي قصائد الفالح

ولك مني
كلمات : فالح (محمد بن عبد العزيز)


قولوا للغالي قولوله
وشهوله يبطي وشهوله
ما جا ولا جا مرسوله
و الحب الله يكفي شره

انا عليل الضماير
انشد و اسوق البشاير
همي زاد و فكري حاير
فارقني و الفرقى مرة

امشي و انشد عن مضنوني
و اسهر و انتم ما تدروني
دامي ما شفته بعيوني
ما ترقد عيني منسرة

اترك سكة و اقضب سكة
لقيت ابواب منصكة
جيت الطايف و اهل مكة
قالو ما شفناله جرة

جيت اهل ابها و اهل الوادي
و انشدهم حضر و بوادي
قالو عود يالنشادي
ما جا الدواسر و المرة

و انشد شمر و انشد علوى
و اهل قطر و اهل سلوى
قلت انا مبلي بلوة
في زين المبسم و الغرة

قالولي وشلون اوصافه
نرسل له ناس عرافة
تجوب بنجد واطرافه
تنشد و تلقى مقره

قلت اوصافه يا خلق الله
كامل و الكامل وجه الله
في عيني ما مثله والله
قلتها مرة باثر مرة

اوصاف الغالي غريبة
عين و خد و جيد و هيبة
عذبني و الله حسيبه
ياما شكيت المضرة

مع خالص تحياتي وتقديري

*****