فنجال قهوة .. وعزيمة

....

الاخوان .. ابوتوفيق .. وابوسهيل .. وابوعلي .. ومشرفنا الثاني

حياكم الله .. واعز من جاء .. تواسعوا .. المكان قصيف .. ولكن السعه في الصدور

..

ابوتوفيق .. تقول :

تعرف يا أبو فارس ان نقل الموضوع كما تمن والا تمنيت والسبب ان البعض وانا منهم كنت اعتقد انك ما تنفعل بسرعه

طبعاً النقل تم السـ07:48ــاعة وانا اشكر اللي نقل الموضوع ولا ودي يوضح من هو حتى تقعد ....

.. ما ضقت انا ياجني .. لكن خرعت .. ماسدت والا وهريف الموضوع من جنب اذني .. شايلينه على الساحه العامه

والحمد لله وقتها ماكنت بالموضوع وكنت مسجل خروج من الساحات قبل ارقد .. والا كان نقلوني معه وياعالم وين اكون ذلحين ..

.. شكرا لمرورك .. ولا تنسى الموضوع اللي كلمتك عنه البارح .

..

ابوسهيل

حياك الله وعلومك ..

موقف محرج جدا ... واتخيلهم وهم وخارجين وكل واحد يلوم الثاني انه هو السبب ..

شكرا لمرورك ..

..

ابوعلي ..

نكتة عبدالرحمن الفرنك .. واحد حب وطحنوه ..

كان يحليها انه يقولها لنا كل يوم وينهيها بضحكه قويه بنفس الحماس كل يوم .. وكل يوم نضحك منها اكثر

هات القصة حقت العزيمة بالتفاصيل وبدون اسماء ..

وشكرا على مرورك ..

..

مشرفنا الثاني .. تقول :

النقل يتم لتنظيم المواضيع ومراعاة التخصص
وتسهيل البحث للأعضاء والمتابعين ونقل المواضيع وتعديلها أمر طبيعي ومقبول في كل المواقع
وربما سهى على المشرف ارسال رسالة أو أن وقته لم يسعفه ولكن المهم تواجده ومتابعته

ما ادري ليش تذكرت بيانات وزارة الداخليه لمن قرات هذين السطرين ... وتخيلت كأني اسمع صوت سليمان العيسى يقراها

..

شكرا لمرورك .. واكيد وانا اخوك نقل المواضيع .. شي طبيعي .. سواءا انت او المشرف الثالث او العاشر .. الله يوفقكم

..

 

 

سلام عليكم

كيف حالكم يا لربع
أشوف المكان ضيق .. الله لا يضيق علينا .. بتتواسعون وتخلوني اقعد معكم وإلا أندر الوادي .. يقلون شي حميصة في بقعة العرعرة تهني بالهنا ..

معي لكم سالفة علمني بها واحد من الزملاء قبل ليلتين .

هاااااااااااااااااااااااااااه اقعد
طيب تواسعوا

طيب ..... لالالالا والله ما تقوم ياريس .. بس حيلوني عن ولد فيصل ما أبي اقعد عنده ..

اسمعوا

يقول الرجال أنعزمنا عند واحد من خارج القبيلة أنا وخوي معي ولبينا الدعوة .. طبعاً الرجال قال الله يحييكم بكرة العشاء عندي ولزّم علينا ..
رحنا ولقينا قدّامنا مجموعة من الرجال ما نعرفهم ..
جلسنا وسولفنا وتعشينا وتهرجنا ..
يقول يوم جينا سارين نقز واحد من الرجاجيل وقال يا الربع بكرة لكم عندي فنجال قهوة ووجه الله لا تقولون لا وتعالوا بعد العصر ومضيفكم يعرف البيت ..
قال خويي تم مكثور الخير..

سرينا وفي الصباح نزلنا السوق نتسيوق وقابلنا واحد من أصحابنا من نفس قبيلة مضيفنا البارح من فترة طويله ما شفناه وأخذنا بالأحضان وحيا الله وسلم الله و قال أنا مدخلي عليكم قولوا ابشر قلنا ابشر . وش تبي حنا حاضرين .. قال الليلة تنعشّا سوى .
قال خويّي اللي وافق مع الرجال البارح تم .. قلت له الليلة معزومين عند الرجال اللي نقز البارح قال الرجال عازمنا لفنجال قهوة وواعدناه بعد العصر .. قلت يابني ادم فنجال القهوة يعني عشا .. قال أنت ما أنت صاحي الرجال يقول فتجال قهوة وتعالوا بعد العصر ..
خلك من الهبال .. بنروح نشرب الدلة وفوقها براد إلى مغرب ونعود نتعشّا ونسمر مع خوينا ..
ماودّي اطيل عليكم .. سكتّ وما عاد عندي هرج .. اسقط في يدي ..
رحنا بعد االعصر لمضيفنا البارح ومشى معنا عند المضيف الجديد ... أنا ماني معاهم يسولفون ويتضاحكون وأنا ما حولك أحد ...... كل تفكيري كيف يتصرّف الثور اللي معي .........( مع إحترامي للثيران ) .
قبل المغرب قال خويّي الله يعقبنا عليك بالخير نستأّذن .. قال وين .. قال إحنا معزومين للعشا عند رجّال ...

اسقط في يد المضيف .. وكأنت ردة فعله أن قال يعني انأ ماني رجّال ..
قال إلا رجال ونعم .. بس قد ارتبطنا مع الرجال اليوم للعشاء .. قال وعزيمتي اللي من البارح وإلا أنا ناقص ..

أنا ساكت .. مضيفنا حق البارح صار وجهه يصفر ويحمّر وموطي رأسه في الأرض ... طبعاً ما عزمنا إلا إحتراماً له وإلا ما يعرفنا من أول ..

طيب .. ( ممكن من اللي قرأ الحكاية يقول لنا لو كان مكان خوي الثور كيف يتصرف ...

تصبحون على خير ..

بعدين أعلمكم وش اللي صار

 

 

الفقه خير من القاله
أنعزمت مره عند ناس 000 من جيراني للعشاء وكان هناك رجلان بالمجلس
ونحن الجيران أربعه فقط والمعزب وولديه ولما قلطنا للعشاء بالمقلط ونحن
واقفين أمام الصحون ذهلت أن هناك خروف كامل على كل صحن وقال المعزب
ونحن واقفين حيالكم الله على واجب فلان وأشار للصحن الأول وكررها مع
تقليط الضيف الثاني للصحن الثاني لا وبعد يقول من غلاكم كثرناكم في توجيه
إعتذار لللضيوف بحضورنا لاوبعد لم يقلط معنا هو وأولاده وتعشينا على كل
صحن ضيف وإثنين من الجيران فقط فبالله عليكم قولولي أليس هذا تبذير
وأزيدكم من الشعر بيت المعزب حارس أمن وراتبه على قده وحاولنا نصحه
وقال والله مايتعالمون الجماعه إني قصرت في حقهم قلنا له خل جماعتك
ينفعونك إذا كثرة ديونك ونرجوك لاعاد تعزمنا بعد كذه وبعدها نقل الأخ زعلان
سأله أحد الجيران عسى ماخلاف قال والله ما أقعد في عماره فيها بخلاء
يحرضوني على جماعتي ولايعزمون ضيفي إذا دعيتهم لمشاركته قلنا
فكينا والتقفوا
شكرا أبا فارس لك تحياتي وتقديري ودمت بووووود0

 

 

هلابك ياأبوفارس
ماتطرحه من مواضيع غاية في الروعة
وجماله أنّه محفزللجميع للتواصل والكتابة
الذاتية .

المواقف كثيرة ولكنها لم تحدث لي
بل نقلاً عن آخرين ومنها :

تخيل أنّك جالس في بيتك وفجأة يأتيك
قريب بعد المغرب مباشرة وترحب به
وتبدأ السوالف وتحس أنّه شارد الذهن
وعند آذان العشاء يبادرك بسؤال :
إنته ماعندك عزيمه اليوم ؟
وتكتشف أنّه يؤكد لك بأنّ إبنك فلان
إتصل به ليلة أمس ليخبره أنّ عندكم
عشاء لفلان القادم من السفر وأكد عليه بالحضور بعد
المغرب مباشرة مع أنّ إبنك يدرس الجامعه
في مدينة أخرى والمحتفى به
لم يأتي لجدة إطلاقاً والإبن لم يكلمه أصلاً
وأنّه مقلب من أحدهم (يتونس) فيه على الضيف.

يقول محدثنا : (حلفت عليه يتعشى وقلت بتسوي
المره خبزه وصدقني ميست آشوفك
طبعاً وافق على مضض وتعشى
وسرى وخاطره مكسور ولا أشره عليه )

 

 

أبا فارس

اعترف ملء فمي بأنني معجب أشد الإعجاب باسلوبك الكتابي وأغبطك عليه في أحايين كثيرة وليس عيبا أن أقول بأني لا أجيد دندنتك ولا دندنة أبي ناهل ولكل منكما طريقته التي تجذبني لكن أكثر ما يدهشني هو الأسلوب الذي تتبعانه في صياغة موضوعاتكما والكيفية التي مكنت كلا منكما من إجادة هذا الدور مع أن تخصيصكما بعيدان كل البعد عن مجالي اللغة والأدب ولا أشك في أن سعة الإطلاع هو الركيزة الأساسية فيما وصلتما إليه فإلى الأمام ولكما مني جميل الثناء .

 

 

....

..

هلا ومسهلا .. ابوسامي .. وابوعبدالله .. وابوخالد .. وابوناهل

من حبه الله جمع ضيفانه .. وانا جمعتكم بذا الرد .. عشان نسولف .. والا كل واحد فيكم يستاهل رد وحده

مرحبا الف ..

( طلعت نكته ذا الاسبوع على وزير المالية العساف وتقشفه يقولون انه طلب من اهل الجنوب لاعاد يقولون مرحبا الف .. يقولون مرحبا مره واحده .. ليه التبذير )

...

ابوسامي .. تقول : طيب .. ( ممكن من اللي قرأ الحكاية يقول لنا لو كان مكان خوي الثور كيف يتصرف ...

انا اتوقع كل واحد منهم راح لعزيمة يعني انقسموا ...

والا صاحب العزيمة الاولى هو الاحق يروحون له ..

.. وشكرا لمرورك ولك الخير

..

ابوخالد ...

من اهم اسباب تخلف الدول الناميه هو سيطرة العادات والتقاليد على المجتمع

انا اذكر عسكري مره بجده صارت له مشكلة ديون متراكمة واكتشفنا ان عليه دين خمسين الف لمطبخ بجده شهير قيمة ذبايح في سنه ونصف

.. وهذا ليس كرم .. وانما مثل ماقال خويكم : لا يتعالمون جماعتي اني ماذبحت

شكرا لمرورك ... ولك الخير

..

ابوناهل ..

موقف محرج للضيف والمضيف ...

احلى مافينا مجاملتنا للضيوف ( ميست اشوفك )

اما موضوع الكتابة الذاتية فانا استمتع كثير بقراءة الكتابات من الاخوان ... ونادرا ما ادخل المواضيع الجاهزة او المنقوله

شكرا لمرورك .. ولك الخير

..

ابوعبدالله

بعض الردود تغمرك بفرح .. كماء الزهر ..

شكرا لك .. ولبهاء حضورك ..

ولك ( ثمر من جدار صابره ) لايذبل

..

 

 

[ العزيز ابو فارس حياك الله وحيا علومك وليتنا نصيدك ضيف لا مضيف وماشاء الله عليك ما كنك غادرت الديره ولا طلعت منها شبر في لهجه اهل الديره المحببه الى النفس والاقرب لها المهم اقدم لك عزيمه وقت ما تحب ومن تحب *وفي وجه الله من وفارها* نرجع لسالفه العزايم وفي واحده منها كنت مرافق للخال اللواء عبدالجبار عبالله الى العقيق ومر يسلم عاى محمد بن جمل رحمه الله شيخ الهجاهجه والحله ولزم على الخال في العشاء وهذا ما حصل لكن ماتم فيه شي من الغرابه حيث بعد مارحب المضيف بالضيف وكان عشاء على ذبحيتين حيث جلسنا انا والخال على واحده والشيخ بن جمل على الثانيه ولم يجلس احد معه مع ان كان هناك ضيوف وكان بالفعل وبعد سؤالي للخال عن هذاقال ان هذا طبع الشيخ وقبيلته حيث للضيف واجب وللشيخ واجب مثله واللهم ادم عليناالخير ولك كل الخير

 

 

لبناني سكن جنب قروي
…
جاء القروي له وقال: أقول ياجارنا ترى فنجال قهوتك عندنا
….
قال اللبناني: إيوه.. إيوه يمكن واحد من البزورة رماه عليكم وإلا حاجة

 

 

.

*****

حيا الله أبو فارس
سم فنجال قهوه غير بها طعم فمك بعد العشاء

قبل فتره طويله دعانا صديق حضري أنا وثلاثة من الزملاء (زهارين وغمد) وأكد وكرر الدعوة إلى الحد الذي اتفقت مع الأخوة نزوره

وفعلاً حدد لنا موعد الحضور من بعد المغرب وقلنا ترا بكره دوام (يعني لازم نسري بدري) قال إن شاء الله

المهم وصلنا على دفعات واستقبلنا الرجل ورحب وسهل وقدم القهوه ومعها ما يلزم وكرر الترحيب وبعدها الشاهي ورايح جاي وانحن نقول شكل الرجال متكلف وياليت نبهنا عليه لا يتكلف, وبعد وقت جاب لكل واحد منا زبديه فيها شي مثل العصير ولكن ثقيل واحمر مايل إلى الأصفر وحالي ويشبه لـ قمر الدين ورحب وسهل وكرر الترحيب

المهم شربنا أو اكلنا الحلا بالملعقه وكان يستفسر عسا اعجبكم قلنا والله هذا شي ما قد ذقنا مثله!!! وياليت تقل لنا وشهو اسمه

وبعد شويه قال انا جهزت لكل واحد فيكم شي للأهل وإن شاء الله يعجبهم وإذا بغو زياده تراني مستعد وأخرج أربع زبادي لكل واحد منا زبديه

تلافتنا في بعض حوالي الساعه (11 مساءً) وكثرنا بالخير وأخذ كل واحد طاسته وخرجنا

ورحنا البيت وقمنا نمدح في العزيمه ونقدم لهم الحلا

واليوم الثاني حاولنا نعرف اسم الحلا فقال (زمبليطه) قلنا الله يخلف عليك وعلا زمبليطتك

وسلامتك

*****

 

 

هههههههههههههههههههههههههههههههههههههههههههههههه
زمبليطة,,,,
هههههههههههههههههههههههههههههههههههههههههههه
يابطني ياعبدالرحيم
الله يخلف عليك وعلى زمبليطتك