قصص باللهجة الغامدية ..

المشاركة الأصلية كتبت بواسطة ساهر الليل

آنافدا خشومكم يآبه

والله يابن القريه لو ما أفلحت شفت لك ضيعه وحِلت عني بعرفجتك إني لا أخليك لين تخرج الديرة وأدفك فوق ذاك الحراق لأخلي أرجولك
كلها نفطان
ههههههههههههههههههههه
خلاص يابويه والله ماني قادر أكمل يا ابن القرية من الضحك

آقل يا ساهر الغزله .. بتدفني في الحراق !!

والله إني لا أحشي أذانيك من الطبّــاق والجوج والعـنصل

ويمكن أكمل عليها بحبق الجله حقت الظفير!!

 

 

أخي ســـــــــــــاري ..

تثبت لنادوما إنك((بتاع كله))

قصه جميله.. وحتى تبدو واضحه اجعل عنوانها بلون مخالف

لك تحياتي ودمت بود

((ابن القريه ممكن توضيح مصطلحاتك))؟؟؟

 

 

المشاركة الأصلية كتبت بواسطة إبن القرية

آقل يا ساهر الغزله .. بتدفني في الحراق !!

والله إني لا أحشي أذانيك من الطبّــاق والجوج والعـنصل

ويمكن أكمل عليها بحبق الجله حقت الظفير!!

ههههههههههههههههههههه

إبن القريه نرجع ونقووووووول يجيب الله مطر


ساري بالله كمل لنا هروووووووووجك الهيله يااااااااااخه [/align]

 

 

.

خلاص ياجماعة الخير صلوا على النبي واتضاربوا هههههههههههههه

وخلاص من تيه الهروووج دخيلكم >> طيب خلاص نروح مع بعض الباحه ونشوووف << تحريش ههههههه

.

 

 

.

متى يجي العريس ؟؟؟؟؟؟




أمه أمه المحي أمل

يمه تراها هي إلي ما تحاوشني

أقل وذابكنه

أمل كل ماقلت لها حاوشيني تقول بعدين

والله يمه إنها تكذب إنكسر ظهري وأنا أحاوشها

آقل إن الله يصلحكن وكان

ماقد سويتنه ضيعه وأنهيتوهن كما الخلق

حليل ذي بياخذكنه

والله إني آنا اللي باخذه

الله يقصُر عمرك والله ماتاخذينه ماياخذه غيري

أقل شنهو إلي إلا بتاخذينه إنت وهي

العريس ذا هرَج فينا

ومنهو قال لكم أن حد هرج فيكنه

إنتيه حوب قلتي حليل ذي بياخذكن

أقل الله يرد عليكنه عقولكنه والله لحقتن صنق المدان

إفلحي إفتحي الباب ذيه أبوك

بسرعه تناولي منه المقاضي لايضيق ويحذف بها

السلام عليكم

وعليكم السلام إرحب يابو عمر

الله يعطيك العافية

الله يعافيك

هيا افلح غير وانحن بنجهز العشا

هيا بسرعه جهزنه العشا أبوكن تعبان وبيتعشى وينام

يمه هوه ماهلا إنحن نشتغل هويه أخوانا مايساعدونا

ماعاد إلا هي

أقل رشقنه ضيعتكنه وبسرعه

يمه كل الناس جابوا شغالات ماهلا أنحن بعد ماجبنا شغاله

وذى أسوي بالشغاله

يمه تريحنا تنظف وتكنس وتغسل

وأنحن وذي نسوي

أنحن نرتاح شويه من الشغل بنساعدها ولكن ماهوب كما ذلحين

كل شي فوق روسنا

أقل أسكتنا ماعاد إلا هي البيت مليان عزيب

واجيب وحده تخدم عليهن لاوالله ماتعديه واحده

هيا بسرعه أبوكن في الصالة ودينا العشا

وذابك إنت والبنات تتحاترنا كنكنه جارات ماهلا تاتناحرنه

مابهن شي ماهلا ياتشاورنه وشن يغسل المواعين

حقت العشا

أقل رحن واصعقن لأخوانكن علشان يتعشون

يمه شافونا وأنحن نحضر العشا يعني لازم نصعق لهم

إيييوه أصعقن لنا وذا وراكنه

ياولد عيب عليك تكلم أختك كذيه

ماتشوفها يابه ماتبغى حتى تصعق لنا علعشا

صادقه فيكم هنه من الصبح مع أمكم

ينظفنه ويطبخنه ويغسلنهه فوق ذيه الهدم

وأنتم ماهلا تتبطحون من مكان لمكان

أقل خل تيه الهروج عنك وخل السفان يتعشون

والله مايضيع السفان غير إنتنه يالنسوان

والله إللي يسمعك يقل معك عشرة

تهرج معهم ماهلا إثنين

ولا كانوا إثنين ندلعهم يقولون إشبع ذراك وأحسن أدبه

أقل إسم الله على سفاني ماهم مدلعين

أم عمر لاخلصتي العشا أبغاك في هرجه

إبشر ذلحن أجي

هيا بسرعه كفتنه المواعين والمطبخ

بغدي ألمح أبوكنه وذا يبغى

ها يابو عمر خير إن شاء الله

خير ووذآبك خرعتي

لا لكن من يوم دخلت وأنته مسهم

لا مافيه شي لكن فيه عرسان جو لأمل وسعاد

الله يبشرك بالخير

علمني منهم

سسسفان أخي محمد .. ماجد وعبدالله

والله إنهم نعم الأولاد

مودبين وأمهم طيبه وأبوهم ولد حلال

هيا شاوري البنات وردي عليه

إبشر ولايهمك

أقل والله مايكنس المطبخ غير إنتيه

ياسلام هوه تدورين لي الضيعه الصعبة وتعطينيها

وذابكن ماهلا تاتضاربنه

أقل إستحين وامزين لاحد يسمعكن والله إني أخاف ماتسرينه وتعودنه

بطيبكنه فوق روسكنه يوم تنكحنه

والله يوم ننكح لنجملك ونخلي راسك في العالي

بس وين هم العرسان

كل يوم تقولينه لنا وما شفنا حبه

خلاص تراينهم جوا ويبغون رايكم

وشنهم اللي جو

العرسان هرجوا آبوكنه

يمه بالله عليك لاتتشيدقين بنا

والله إني ما أتشيدق بكنه

عمك محمد كلم أبوكنه اليوم

يبغاكنه لأولاده ماجد وعبدالله

هاه وذابكنه سكتنه

آقل وين حشت السنتكنه اللي يسمعكنه

قبل شويه يقل ذوليه البنات مجمهرات

أمه الله يخليك

هاه وذا قلتنه

وتسرع أمل وسعاد بالذهاب إلى غرفتهن حياء

وتروح أم عمر لأبو عمر وهي تضحك

ها يم عمر هرجتي البنات

إيوه هرجتوهنه

وذى قلنه

والله ماردينه

أمل وسعاد ماردينه

والله لو شفتاهنه ووجيههنه حمرتها كما القوطه كان ماصدقت

أقل ليتني خليتوهنه إلين يكفتن المطبخ

خلين المطبخ وإصطكين في الغرفه

خليهن البنات يستحينه

يعني أرد على آخي خلاص

رد عليه مابيلقون أحسن من عيال عمهن

وبعدين الأولاد منا وفينا

على بركة الله

طبعا إنتهت الإجراءات الرسمية وقبل ليلة الزواج كانت الأم تنصح بناتها

الوحده تغدي حره

وتكرم عمها وعمتها ولايسمعون منكنه شي يزعلهم

بيجي قصور وبيجي زعل ولكن الحره اللى محد يدري عن سرها

الشيبان طيبين وأنتن راعوهم لادخلوا عند الوحده

تقهويهم وتتهرج معهم وتكرمهم

تراكن ماتزددن غير حب وكرامه

الله يوفقكن ويبارك فيكن ويسمعني عنكن كل طيب

وتقوم سعاد وأمل بتقبيل رأس أمهن.






وانتهت هذه الحلقة والجااااي ترى احلى ..

تحيــــــــــــــــــــــــــــــــــــــــــــــا تي

.

 

 

( الشفاعه يامحمد )
قصة ساري هاذي مكنه
يولفها ويفتلها هم يقل بها
ويقل بها ويقل بها ألين
تضلي على الشف
والله انه مبحر
(انقليزي دا يامرسي)

 

 

يوه يوه ياساري والله والله دين ويمين ياحكاويك انها هيله تهني بالهنا
هم من فين تجيبها ياذه الله يغطك ,,
والله يفقدنيك انك بتغلقها يابه والا انا با اضيق عليك ياخه

ان الله يسعدك ها انا باغدي اسوي لك مشرق والا قرص ومعه شنه بلال
عشان تتفاول وتعلمني بباقي حكوتك يا نافدا الخنافر
والله والله لما تعلمني انه علماً يصل امك

 

 

المشاركة الأصلية كتبت بواسطة أبوناهل

( الشفاعه يامحمد )
قصة ساري هاذي مكنه
يولفها ويفتلها هم يقل بها
ويقل بها ويقل بها ألين
تضلي على الشف
والله انه مبحر
(انقليزي دا يامرسي)

هههههههههههههههههه .. ان الله يسعدك ياذاك الرجااال ..

سم طاااال عمرك الفال راااشق ههههههههههههههههههه

.

 

 

المشاركة الأصلية كتبت بواسطة علي ابوعلامه

يوه يوه ياساري والله والله دين ويمين ياحكاويك انها هيله تهني بالهنا
هم من فين تجيبها ياذه الله يغطك ,,
والله يفقدنيك انك بتغلقها يابه والا انا با اضيق عليك ياخه

ان الله يسعدك ها انا باغدي اسوي لك مشرق والا قرص ومعه شنه بلال
عشان تتفاول وتعلمني بباقي حكوتك يا نافدا الخنافر
والله والله لما تعلمني انه علماً يصل امك

يانافدى البديه .. حيا الله ابواديب .. هلا بك ياوسيع الصدر ..

.

 

 

.

إلا الغالية

الحلقة الأولى ..





أحمد ......... أحمد


هيا ياخه قم لاتتحير على الدوام


أحمد .............. أحمد


آآآآآآآآآآآآآآآه

هيا قم يادفعبي بك

طييييييييييب يمه ذلحين بآقوم

هيا ياخه الفال راشق

قوم يمه خلك تاكل لقمه قبل ما تسرح

خلاص يمه ذلحين باجي

هيا انا في حراك

وشصبحتي يمه

صبحك الله بالرضى والعافية

هيا يا صديقي خذلك لقمة

أمه فين ابي

ابوك منسدح

هوه يوجعه شي

والله مدري

وذابه ابى يقوم

يقول ما يطيق

هوه ما قمتيني عشان أوديه المستشفى

ابى يقول ما هلا تعب شويه وبيروح

يروح اشفله

صبحك الله بالخير يآبه

صبحك الله بالرضا والعافية

كيف أصبحت

بخير ولله الحمد

وذابك يابه تعبان

لا..... لا........ لا ماهلا دوخه وبتروح

طيب خلني أوديك المستشفى

اقل مافيه ولاشي إفلح شغلك ولا تتحير

أفلح أحمد من عند ابوه وهو يشعر بالقلق

فلم يسبق أن شاهد والده بهذا الشكل

يمه

هاه ياخه

إلمحي لابي ولو تعب دقي علي وانا باجي بسرعه

ما عليه إفلح شغلك وما بيجي غير الخير

هيا ف يأمان الله

في حفظ الله

وخرج أحمد إلى العمل وهو ما زال يشعر بالقلق

وبعد ساعه تتصل والدته

أحمد ....... إلحقني ياخه مدري وذاب أبوك

وذابه

والله مدري عيونه شخصت وما يرد عليه

ذلحين باجي سعي وباجيب معي دكتور

خرج أحمد مسرع وذهب إلى أقرب مستشفى

وأحضر معه طبيب ودخل للمنزل مسرعا

وعند غرفة والده

يجد أمه جالسه على الأرض وهي منكسة رأسها

وعندما شاهدت أحمد قالت له

أحسن الله عزاك في أبوك

أبوك مات ياولدي ووالله إني لشهدته مرتين

أسرع الطبيب بالدخول للغرفة وأحمد مازال ينظر لوالدته غير مصدق ما سمع

وبعد قليل خرج الطبيب منكس الرأس وهو يقول

عظم الله أجركم الوالد مات

جلس أحمد بجوار والدته ونظر إليها ثم حضنها وأخذ في البكاء معها !!!






وانتهت هذه الحلقة والجااااي ترى احلى ..










تحيــــــــــــــــــــــــــــــــــــــــــــــا تي

.