مع البدر

قصيدة


/



ما هو زمن مرزوق !!!



::







::

مرزوق..

الشايب اللي .. كله عظام عروق ..

ولد .. يوم الليالي بروق ..

يوم النهار اعشاب ..

وغدت باقي السنين المجدبه ..

ترسم تجاعيده ..

في وادي الطلح ..

طفلٍ حبا .. فوق الصخر والشوك ..

مرزوق .. ومر الصبا ..

وهاذي السنين بروك ..

مثل الجمال بروك .. ومقيده ..

مد الايادي .. وفك الحبال ..

اطلق الجمال الباقيه ..

السنين الباقيه ..

ورحل .. مرزوق ..

من زمن النخل والطين ..

دخل مغارة التنين ..

في ومضة اللحظه .. اولحظه النار ..

كان اللهب ازرق ..

يوم احترق مرزوق ..

وجه الصباح اشرق ..

عليه غيم .. غبار

في كل الصحاري الاوله

الوقت سيارةٍ تجري

والدنيا في الشارع ..

ماهو زمن مرزوق ..

كيف يقدر يصارع ..

هذا الحديد .. الناس ..

لاهو يَعرْف يسوق ..

ولو يقطع الشارع ..

يخاف لاينداس ..

فجأه وقف مرزوق

الشايب اللي ..

كله عظام .. عروق ..

مات .. وما في الليالي بروق ..

مافي النهار اعشاب ..

ومن يدري الاسباب ..

يمكن .. ماهو زمن مرزوق ...

::

 

 

المبدعة شموخ
دائمآ تأتي إضافتك لتحلق
بذائقتنا نحو آفاق أكثر رحابة
لاعدمنا هذا التوهج ...

(( دروبي رمل ))


في دروبي رمل لامن جيت ساري
ينبت الأشواك لامن رحت ساري
صاحبي ماجيتك إلا وفي طريقي
من ربيع العام نوّار وخباري
ولا تواعدنا وبه في الأرض زهره
ولا تفارقنا وبه للبرق طاري
لا تأخر دام لي في العمر ساعه
ولا تقدم لين أشوفك في انتظاري
الزمن ورده .. سهرت أحسب ورقها
وإن قضا ماجيت في دموعي عـواري
حبـّني كثـر اللـذي نلقـى بوعـدنا
من ظلال وريح ونجوم وغـداري
صاحبي مثل الخجل لو تكتسي بي
قبل أصير الشال يذهلني انحساري
ياقريب البعد .. للشكوى أسامي
الجفـا .. والخوف .. وآخرها حذاري
وانت لو خان الزمن بقول وافي
لا أنا تركي .. ولا أظنك مشاري

_ _ _ _ _ _ _ _ _ _ _ _ _ _ __ _ _ _ _ _ _ _