مجموعة قصائد الأمير خالد الفيصل ( دايم السيف )

أنا السّعودي رايتي رمز الإسلام=وأنا العرب واصل العروبة بلادي
وأنا سليل المجد من بدأ الأيام=الناس تشهد لي ويشهد جهادي
دستوري القرآن قانون ونظام=وسنة نبي الله لنا خير هادي
امشي على الدّنيا وأنا رافع الهام=وافخر على العالم وأنا اجْني حصادي
إذا تأخّر بعضهم رحت قدّام=وإذا توارى خايفٍ قمت بادي
إن جيت ساحات الوغَى صرت قدّام=وان صرت بلْحالي فلانيب عادَي
واظهر على غيري إذا صرت بزْحام=عقيد قومٍ بالطّبيعة ريادي