لي صاحبٍ صرت احبه .. وطال عني غيابه

لي صاحبٍ صرت احبه .. وطال عني غيابه
شمسه عليها غيوم
كان دايم يجيني .. واشوف ماهو جوابه
واشاهده كل يوم

ناشدت ربعه وقالوا .. من يوم مارد بابه
عنى فلا شي علوم
وش اخرك يا فديتك .. الخوف ولا المهابه
من كلمة اللي يلوم

يا عقد كادي وريحان .. يا عسل في شرابه
دوى جميع السموم
يا سابقٍ كل جيله .. خليت عاشق صبابه
بعدك بحالت وجوم

ابو العيون الكواحل .. والكف زاهي خضابه
حلو الحكي والرسوم
من يوم فرقاك قلبي .. محدٍ يهون مصابه
وماله بغيرك لزوم

الله عليه المشاكي .. ماخاب منهو التجابه
وبالخلايق رحوم
قادر يردك على خير .. ياللي فتني شبابه
حال الجفى مايدوم




اهداء للعم نايف بن عوضه
هذه القصيده كثرعليها الكلام وهي قصيده جميله جداّيقال انها لمحمد الغامدي ويقال انه تغني بها فوزي محسون وغناها الكثير مع تغيير في بعض الابيات التي اوردتها هنا