الاصاله نهجها ما يشبه لنهج الحداثه = والحكيم اللي عرف قدر الجزال من الهزالي
ماسمعنا بالحداثه كود في عصر الدياثه = في زمان الانفتاح وفي زمان الانحلالي
من بعض طلابنا اللي جاءْ بفود مْن ابتعاثه = فكره مْغرّب وعقله صايرٍ فيه اختلالي
ينبذ التاريخ ويحطّم على دربه تراثه = ويزعم انه صاير مثقف وله فكرٍ مثالي
يلهث المغرور في غيّه ويستمري لهاثه = وان سألته ما فهم معنى الجواب من السؤالي
غارقٍ فالمعمعه بين الطلاسم والرثاثه = ولا يحسّب وافي الامثالي والهرج الجزالي
خلف تيّار الحداثه والتغرّب والخباثه = مستميت و لاعرف قدر اليمين من الشمالي
مادرى ان معنى الاصاله عندنا دين وّوراثه = من ثوابتنا التي عنها ما نقبل لاعتزالي
يعجز وتعجز يدين اهل الظلال من اجتثاثه = دونه توقف شيوخ القوم وزحول الرجالي
اهل صلاة الفجر واهل صلاة الاستغاثه = مكرمين الظيف واهل الكيف واصحاب المعالي
منقول
للشاعر 0 مسفر جمعان الصفا