لا ضاق صدرك عالي الصوت جره

رساله وصلتني من صديق وحبيب الى قلبي ونفسي 0 لا ادري ان كانت منه ام منقوله ولكونها تخاطب الوجدان وبها موعظة اطرحها لكم

لآضاق صدرك عالي الصوت جره = لو كان قلبك ما يطاوعك بسرور
دنياك لو تسوى من الحِزن ذرّه = ما كان تاليها توابيت وقبور
وما كان للكافر بعمره مسرّه = وما شفت في ملكه ملايين وقصور
العمر يمضي بين حلوه ومرّه = والموت حق وقابض الروح مأمور
دام الحياه الفانية مستقرّه = ورزقك يجيك وبين الأجواد مستور
لاتنشغل بالوقت برده وحرّه = واحذر تصير بقسمة الناس مقهور
وحكم القدر لاجاك خيره وشرّه = أشكر عظيم الشان والذنب مغفور
والمجلس اللي يزعجك لا تمرّه = خله تراك بشوفته منت مجبور
والرجل سقها في صحاصيح برّه = ومد النظر مابين ريضان وزهور
لا صار وجه القاع ما فيه جرّه = والمشي حافي والثرى تو ممطور
ساعات صمتٍ ما وراها مضرّه = تسوى الكلام اللي إذنوب واشرور
أطلق خيالك وأترك النفس حرّه = وخل الطبيعه في حياتك لها دور
وبالليل لا بانت نجوم المجّره = أذكر بديع الخلق بـِ إحـساس وشعور
واسجد لرب الكُون مره ومرّه = وإحفظ لسانك وأترك الكذب والزور
وفروض ربك خلها مستمرّه = وطاعتّك لا يدخل بها نقص وقصور
ودنياك لو تسوى من الحِزن ذرّه = ما كان تاليها توابيت وقبور

مع تحياتي لمن نالت قبوله وتقبله

 

 

سلمت يداك علي نقل هذه القصيده الجزله ياوالدنا العزيز لك كل المحبه والتقدير

 

 

.

*****

الشكر لك يا أبا صالح ولمن نقل لك هذه القصيدة

بعض القصائد تسوى وزنها ذهب لما فيها من البلاغة والحكمة والتجربه

ونقول جزاك الله خير الجزاء

*****

 

 

المشاركة الأصلية كتبت بواسطة ابوميس

سلمت يداك علي نقل هذه القصيده الجزله ياوالدنا العزيز لك كل المحبه والتقدير

وتسلم لي وللساحات يا النهر المتدفق بارك الله فيك 00