خلني بين الرموش اللّي وقوف :: تحت منثور الشعر عند الجبين
لجل عينك يا حبيبي ما تشوف :: غير زولي كل وقت وكل حين
إن بكيت أمسح دموعك بالكفوف :: عن خدودك من شمال ومن يمين
جفّ تعبيري وضاعن الحروف :: وما لقيت إلاّ عذابي والأنين
في فؤادي مثل تخفيق الدفوف :: لا ضربها كف مفتون ٍ حزين
لفتني بالصدّ والهجران لــوف :: يأس مجروح الليالي والسنين
عشت في حبك بحرمان ٍ وخوف :: وحيرة العاشق على وجهة تبين
في سراب وعود مرهون الظروف :: كيف يبري ظامي جرّ الونين؟!
اتمنى عجبتكم الابيات
تحياتي...