قصائد جادت به قريحة بعض
الشعراء البارزين وعلى رأسهم
الأمير خالد الفيصل
1- ياشوق
ياشوق انا عنك ظروفي حدتني
مالي عن المسيار يمك وسيله
رجوى وصالك يالغضي بيّدتني
طالت وقلبي فيه مثل المليله
امحبتي لك يالغضي ورّدتني
حوض المنيه بين يومٍ وليله
امحبتك جارت علي واجهدتني
مثل اللذي عجزت عظامه تشيله
كان الليالي المقبله ساعدتني
جيتك ولو من عقب مده طويله
2- من هو حبيبك
من هو حبيبك غايتي بس أهـنيه
على حسن حظه عشـــــانك حبيبه
أنا أشـــهد إن الله يحبه ومـعطيه
اللي هداك الرب تصـــــــبح نصيبه
ياللي خذيت من الحلا كـل ما فيه
ومن الطبع كل الخصـــــال الحبيبة
تسحر بهمساتك عقل مـن تحاكيه
مع خف دم وملح ما ينحكي بــــــه
لك حق يوم تموق وتحـس بالتيه
الله وهبك أوصاف زين غريـــبـــــة
قبلك وأنا بعض الجمال التفت فيه
وعقبك ظهر في كل من شفت عيبة
3- أبي منه الخبر
ابي منـه الخبـر ويقـول لله
لفا المرسول و ما عيّن محلّه
وقلبي تايه ٍ من عا م الأول
الا يالله يسّـر مـن يـدلّـه
خذاه اللي على خـدّه علامـه
سوادة غيم في شمس ٍ مطلّـه
سرقني مادريت انه سرقني
سلبني واحسب اني فاطن له
انا يوم أرسل عيونـه لقلبـي
عطيته مهجتي و المعطـي الله
نصف زين الخلايق في عيونه
وباقي الزين في باقيـه كلّـه
________________________