لو ينشري حـظّ السّعد كنت شاريه = واعطـيه مَن حـظّه رديّ وطـــــايح
ما يضـمن المخــلوق شيّاً يــداريه = رغم الحذر والحرص يابـو المدايح
اللّي كُـتب في اللّـوح لازم يبـــاريه = وان كان ما جا اليوم بـاكر صَـبايح
ما كلّ فـــايت تســبقه أو تجـــاريه = والنّاس في ذا الوقت غـادي ورايح
خـيال بعض النّاس يسبق عصاريه = يحـلم وكنّه في قفــا الذّيـب صـايح
ما يـرضى بالـواقع ومَن ذا يجـاريه = يرفض على المـبدأ جمـيع النّصايح
ما كــــنّه إلاّ فـارســـاً في مســاريه = والاّ على الطّـولات جــاب المــنايح
غِـرق به المَــرْكب ومـالت صواريه = وما ينـفعه كُـــثر البُــكا والنّـــوايح
هذي نتيـجة مَن عصى الله وبــاريه = يلقى عــذابه فــوق حَــرّ الصّفــايح