.
*****
لا بأس يا واحد عن ألف من الناس = عداك ربي شر الأيام والبأس
ياسعود عمانك ويا سعود الأوطان = ياسعود بن فيصل ياراس ابن راس
ثلاثة ملوك لهم صرت ساعد = في خدمة الاسلام والدار والناس
أول شبابك فرخ حر ينومس = وحليت في روس الشواهيق قرناس
تفرق على غيرك بعقل وبصيره = وبالمعرفة والفكر وأسرار الاحساس
ياما رفعت الرأس في كل محفل = وياما حسمت الرأي إذا غيرك احتاس
أجهدت نفسك والجسم دون حدك = حدك بعيد يا رجل ماله قياس
أخوي وافخر بك عضيد ومسند = من نبعة الفيصل تشاربني الكأس
يفدك مرتاح الكَلَب واجد اللوم = لاشارك الباقين ولا حفر ساس
ماهي سوى مابين هذا وذاك = الله خلق ثم فرق بين الأجناس
الله يشفي ويعافي صاحب السمو الأمير سعود الفيصل
شكراً أخي الكريم غرباوي على نقل القصيدة
*****