.
*****
انطباعات مهزوم في لعبة بلايستيشن
كتبها عبدالمجيد الزهراني ، في 11 فبراير 2008 الساعة: 16:18 م
ثــلاث اهــداف يـانــوره
وانــا سـاكـت ومتبـاهـي
هزيمة ( حـب ) أو ( كـوره )
سـوا ، يلعـن أبـو الشاهـي :
دَلَقْـتـه فـــوق تـنــوره
صرختي : ( ليش ؟ ) وشفاهي :
ورى حرفـيـن مـكـسـورة
نطقت : ( الله يـا اشباهـي ) !
تعالي نبتدي ( اللعبة ) من الأول
من الماضي
دخيلك يالله نتحوّل
من اول حكينا الفاضي !
هنا ندخل في ( اللعبة )
هنا من أبسط الأشيا الى الصعبه
ونستغرب :
أحد يولد فقير وفيه احد أغنى
أحد مو لاقي يتعشّا
واحد يحصل على مليون من مغنا
وياخذنا الحكي الفاضي
من النصّاب
من الفرّاش إلى السوّاق إلى المسئول .
من اكبر موظف ينهب الدوله
إلى أصغر موظّف ملّ يفطر ( فول ) !
دخيل ايديك يانوره
أنا شاعر عجز لايشغل الجمهور باهدافه
ولكنّه رفض رشوة لغه ، تطلب شعر تافه !
1
2
3
4
5
6
قالت : أبخسر عشـان تفـوز
قلت : العبي لو سمحتي زيـن
قالت : أبهزمك ، قلت : يجوز
لو انهزمـت انتصـر بعديـن
الحـظ يحتـاج فـك رمــوز
ويحتاج ( لغز القدر ) شوطين !
*****