للدار وحشة
للدار وحشة عقب سِيد هَل الجود
وعيني غشاها عقب شمسه ظلالي
مالوم رجلك لو شكَت كايد الكـود
أتعبتهـا ترقـى سنـود المعالـي
للجسم حد وغايتك ما لها حـدود
ظلمت نفسك من قديم(ن) وتالـي
تمشي وعرها كنه سهود ومهـود
لله دّرك مـا تغالـيـت غـالـي
ماتنتظر للجـود ياشيـخ مـردود
تشرب مرار وتسقي الغير حالـي
ماينثني عزمك خطير على الـزود
من عالي تجمح على راس عالـي
يا طيّب طابت لك البيض والسود
أسرت في حبك قلـوب الرجالـي
يفوح مع ذكرك شذى الورد والعود
وكل(ن) ينعم لك إلى جا مجالـي
مرضك يمرضني وسعدك لي سعود
يا ليتي أنقل عنك ضيـم الليالـي
\
/
\
الفاضل ... ماجد الشهري
طرح راقـي .. شكرا لهذا الأبداع في الأختيار