لأبي ناهل .. مع التحية والتقدير
يغار سمعي و يشره كل وجداني=لا غاب صوتك نهار(ن) ما بلغ سمعي
ياللي لقيت بنواعس عينك أوطاني=هي ديرتي هي ملاذ القلب هي ربعي
أملـي النّظر من جمالك يوم تلقاني=و احبس خيالك بعيني حبسي لدمعي
لا شفتك اعيش في عيونك ازماني=وآخذ من نجومها وأشعل بها شمعي
من نورها سالت الفرحه بـودياني=ومن سحرها قام يورق بالذهب زرعي
يا واحد الحسن مالك بالعرب ثاني=عطني شرابك وخذ قرطوع من نبعي
غريب الاطوار و الغربات ميداني=هي غربة العمر وافق طبعكم طبعي
اصبحت تغريبتي و اصبحت عنواني=يا واحدي بالهوا و اثنيني و جمعي
دمت بخير