|
ســـؤال ؟؟؟
مدري أناصح ومخطي زماني ولا الخطا مني وزماني هوالصح تتغير الدنيا وأنا في مكاني ماغيرأنا وحدي والآهات والجرح ما أعرف أبدل داخلي بشخص ثاني وما أعرف أكون إلا أنا لو أعاني أحلم وليلي يمتلي بالأماني ويهدها فجأه على رأسي الصبح مليت وما ملت عذابي الثواني وتعبت أدورله جواب في لساني ذاك السؤال اللي ذبح خافقي ذبح ياهلي أنا اللي صح ومخطي زماني ولا الخطا مني وزماني هو الصح من منقولي وليست من قولي ولكنها جت على مافي الخاطر |
جدا رائعه أحلم وليلي يمتلي بالأماني ويهدها فجأه على رأسي الصبح صح لسان قايلها وكل الشكر للي نقلها يعطيك العافيه اخوي تحيتي |
يابحر لو عانيت مثلك يعاني ... وما ينفعك يابحر لو قلت لك صح لا عاد تجرحني فبي ما كفاني ... ليلي طويل وما بعد بان له صبح الكل في هذا الزمن قد جفاني ... محتار في دنياي من كثرة المدح الصاحب اللي قد وعد بالأماني ... ما ادري وعوده صدق والا تكن مزح ما ادري بعد يذكر وحنّا سفاني ... ايام كنّا ف المحاجر وفا الصفح يابحر من سمّك فهو ذا بلاني ... إما اتركه وإلا على ديرته رح |
ما أعرف أبدل داخلي بشخص ثاني وما أعرف أكون إلا أنا لو أعاني وهي على ما في الخاطر ويا كثر ما فيه تحياتي لك ولاختيارك ونقلك احيانا نجد غيرنا يعبر عنا بما لم نستطيع التعبير عنه لحرصنا وخوفنا 00 |
الاخت زهرة السوسن شكرا على مرورك العذب والذي اثلج صدري تحياتي |
يابحر لو عانيت مثلك يعاني ... وما ينفعك يابحر لو قلت لك صح لا عاد تجرحني فبي ما كفاني ... ليلي طويل وما بعد بان له صبح الكل في هذا الزمن قد جفاني ... محتار في دنياي من كثرة المدح الصاحب اللي قد وعد بالأماني ... ما ادري وعوده صدق والا تكن مزح ما ادري بعد يذكر وحنّا سفاني ... ايام كنّا ف المحاجر وفا الصفح يابحر من سمّك فهو ذا بلاني ... إما اتركه وإلا على ديرته رح الاستاذ وشاعر المنتدى عبد الله رمزي اولا الله يسلمك من الجفا ويرفع عنك الضيم والمعاناه انت ترمي في مكان وانا بعيد عنك وماني اللي على بالك لكن مقبول ما جاء منك يازين ... ولا اعتقد انك تنساني لكن البعيد عن العين بعيد عن القلب . ثانيا يعلم الله اني سعيد بمداخلتك ولك في قلبي مكانه واعزك واقدرك وانت السبب الي خلاني اسجل هنا حتى اعرف اخباركم واكون على تواصل معكم ربما ابعدتنا ظروف الحياه لكن لم ولن انساك انت وخاصة الاستاذ علي ابو علامه ومحمد مهراس وصالح عايض الزهراني وصالح الاعرج وحميد السواط وعد من الزملاء ايام الطائئف ومدرسة عبد الله بن مسعود وبيتكم في الشهداء امام معرض الرمال الذهبية لصاحبه سعيد بن صالح ولا انسى الهايلكس يوم كنت تسافر من الديرة الى الطايف بعد العصر لمشاهدة راس غليس في قهاوي الملعب ايام كانت حلوة ... يكفي ... اذا ما عرفتني باشكيك على صالح سحاب . علما اني قابلتك قبل اربع سنوات في قصر المعالي بزهران ومؤمن بان السن له دور . تحياتي |
العم نايف الله يطول عمرك ويطيب ايامك ويمتعك بالصحة . لا تشكيلي فابكي لك والحال من بعضه احيانا صدري من نظر عيني يضيق .. واحيانا لا والله من اللي اسمعه مدري انا اللي غير واحساسي رقيق .. والا صدور الناس ما فيها سعة تحياتي يابو صالح وشكرا على مرورك وصراحتك . |
| الساعة الآن 01:37 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir