|
صابني حبكم ارحموا ياناس = ذيك الايام ماني بناسيها
. ***** قصيدة للشاعر خلف العتيبي صابني حبكم ارحموا ياناس = ذيك الايام ماني بناسيها ذقت مر العزاير بغير قياس = دمعة العين لولاك مااخفيها مير انا احب والحب مابه باس = سكة (ن) كل الاجيال تمشيها اكتم السر واخشى من البلاس = وام وجهين والله مادانيها رغبتي في غنوج(ن) تكد الراس = ليتها تطلب البيع واشريها حيث فيها من الفن خمس اجناس = درة(ن) من طمع مايخليها درة (ن) لبسوها الحرير لباس = ليت عيني دوام(ن) تراعيها حملوها الجواهر وعقد الماس = ساطع(ن) برقبتها اياديها من هواها طيور الهوى بلاس = بالشوارع قليل (ن) تخطيها دونها الباب والقفل والحراس = حذروها وانا ميت(ن) فيها كلما قلت اباسلم من الهوجاس = مال ميزان قلبي بطاريها خدها ورد وعيونها نعاس = باحسن اوصاف ربي مسويها تتعب الماهر السابح الغطاس = لو رماها على البعد يخطيها ***** |
خلف العتيبي هو خلف بن هذال العتيبي وخلف يتمتع بذاكرة حافظه وقدره على الإلقاء وإبراز المعاني لمن لا يفهمها بالعامية 0 حقيقة اخترت لشاعر كبير ما يستحق الاطلاع 0 وله قصيدة اوردها استخدم فيها بعض كلمات اللغة الانجليزيه عنما كان في لندن ستعجبكم الكنق والله كنقنا يأهل الكنق كنق الشرف ما هي سواليف ومزوح يحكم بحد السيف ما صدر الشنق راع المظالم قدمة الباب مفتوح قالوا السنق قلت الغنا سنق ربابتي جلد الحوير على لوح قلت البكاء قالوا لي اسمه كرا ينق هذي دموعي تستقي الخد وتفوح تخنقني العبرات ساعة مشى خنق لكن ما في دمعة العين مصلوح يا للي ضحى السبت سافر على بنق يحفظك رب بالسفينة حفظ نوح ليتك تسلملي على ناحل العنق سلام روح تشرب الحب عن روح حب الغضبى في لنق والكون في لنق وأنا اشهد أن اللي سبى العقل مملوح إن سال قل له بين ميدن وريدنق وإن ما نشد عني مجمل ومسموح مع تحياتي |
. ***** حيا الله أبو صالح كما قلت خلف بن هذال غني عني التعريف وله قصائد جميلة وقوية في كلماتها ومعانيها هذا صوت خلف يلقي قصيدة صابني حبكم يا ناس http://www.youtube.com/watch?v=zmxj_rCRmJ0 لك خالص تحياتي وتقديري ***** |
| الساعة الآن 02:03 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir