هم الزمان

مرات نحكيلك عللى ساير.... ومرات حتى شي ما نحكيه .
ومرات يبقى الفكر شارد حاير.... ومرات حتى الشوق نكمى فيه .
ومرات كل الخير نبقى داير.... ومرات نبعد وأنتحاشى فيه .
صابر على هم الزمان الجاير.... عايش وعندى قلب وأنت فيه .
تحياتى : (محمد المنفي - ليبيا )

 

 

.

*****

حياك الله أخي الكريم محمد يوسف فضيل
بين اخوانك ومحبيك

قصيدتك "هم الزمان" رائعة وجزلة وتحمل في طياتها معاني دفينة

مرات نحكيلك عللى ساير.... ومرات حتى شي ما نحكيه .
ومرات يبقى الفكر شارد حاير.... ومرات حتى الشوق نكمى فيه .


اعجبني رسالة ليبية أم ما يسمى "مسج جوال" تقول:
"نسكت ونسنط سطير عظامي ... عندي خير ماتسمع الناس كلامي
نكمي سري ... وفي خاطري انشيله .. خيري وشري
ولا الناس تعرف ماشربته ... مري
ولاحد يعرف ماجناته ايامي ؟؟؟؟

"نكمي" نخفي

ومرات كل الخير نبقى داير .... ومرات نبعد وأنتحاشى فيه .
صابر على هم الزمان الجاير.... عايش وعندى قلب وأنت فيه .

وهذا مسج ليبي آخر اتمنى يكون في نفس النهج

هاج البحر ينشد الغالي وينه
قتله رحل بان الزعل في عينه
بقى خاطره متكدر .... لونه تغير والكلام اتعدر...
ترابه ارقي للسطح ...صار ايهدر...
وهدت امواجه لن طقت..فينا...

استمتعننا بهذه القصيدة ونتمنى المزيد

لك أخي الكريم محمد خالص تحياتي

*****