{ هي قهوتي .. ~}

قلق يستعمر أطراف المكان وقهوتي المُرّة
وأنا وأقداري اللي في مهب الريح ترميني

عَبَسْ وجه الزمان ولا تبسّم لي ولو مَرّة
وأنا اللي كل ما قلت بْتهون تضيق في عيني!

شـ اقول وكل ما حاولت أقول استلهم الكرّة
بلع صمتي: مفاتيح الكلام.. وضاقت يديني

تعبت أجوب حزني والمدى لحظوظي أسرّة
تنام لحافها أحلامٍ على الواقع تصحيني!

كأن الليل: عكّاز الحنين، ودمعي: الجرّة
على ذاك الطريق اللي سرا به يشحذ سنيني

أعصر العتمة وجيش الظلام شموعي تطرّه
على قطره ضياء أحيا بها .. أدسها فيني

رويت الليل دمع ولا طلع للصبح به غرّة
أعَزف الذكريات رحلة الماضي تغنيني!


مســــــــــــــــــــائي حزين وقهـوتـــــــــــي مــــرهـ ..