يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

اهداءات ساحات وادي العلي







العودة   ساحات وادي العلي > ساحات الموروث والشعر والأدب > ساحة الموروث وشعر المنطقة الجنوبية

إضافة رد
 
أدوات الموضوع انواع عرض الموضوع
قديم 08-01-2010, 11:16 PM   رقم المشاركة : 1
معلومات العضو
عضو فعّال
 
إحصائية الترشيح

عدد النقاط : 10
سعيد الفقعسي is on a distinguished road

سلام ردية


 

سلام ردية كما سكر نبات
يطلع بها صدري كما طلع الثمر


وسمت هذا الموضوع بهذه الافتتاحية التي يبدأ بها شعراء المحاورة محاوراتهم في اغلب الأحيان، وشعر المحاورة أو الرد أو القلطة تراث أصيل وفن راق نشأ في الحجاز وانتشر في نجد والخليج ولقد وجدت أصول لمحاورات تعود إلى العصر الجاهلي ومن خلال تتبع تاريخ تطور القلطة وجد انها مرت بثلاث مراحل من الأسلوب والطرح القلطوي كما ذكر ذلك ذيب الشمري :
/ مرحلة الطرح القبلي المباشر
2 / مرحلة الطرح القبلي الرمزي
3 / مرحلة الطرح الاجتماعي الرمزي

وقد تميز شعر الرد ايضا بتعدد أوزانه وطروقة وتنوعها ومن هذه الأوزان :
البحر الطويل ، الحنيفي ، المربوع ،المكسور، اللويحاني ، القصير ، العسير ، المخومس ، المسودس ، المنكوس والمثومن .

لشعر الرد او المحاورة جماهير عريضة وطيف واسع من المحبين والمتذوفين ولعلي احدهم ، وكثيرا ما يسمع من يعيش في المناطق التي يمارس فيها هذا التراث بقصص رموز الشعراء وابيات قوية ومذهلة من محاوراتهم مع شرح للمعاني المدفونة في اعماق هذه الأبيات.

فشعر الرد عبارة عن ابيات معدودة مركزة يكثف الشاعر فيها المعنى يبأها أحد الشعراء يرد علية شاعر آخر مع إلتزام بالقافية وبالوزن ويتم اللعب في المحاورة على معنى يرمزه الشاعر الأول ويستمر اللعب حوله ، وهناك العديد من الأسرار التي تلف شعر الرد لا يفهم طلاسمها إلا من برع في هذا المجال.

ولا يخلوا شعر الرد من التحدي بين الشعراء ولا يخلو ايضا من الفكاهة والدعابة بين الشعراء
يقول الشاعر : محمد بن شريف الجبرتي في مستهل إحدى المحاورات:

ياسلام الله على اللي ما تحلق اللحاها
ردتن تقصر عن اللي لحيته محلوقة

حكها بالموس والصابون لين احفاها
لين صارت مثل ركبة عمتي مرزوقه


يقال أن الشاعر الكبير عبدالله المسعودي كانت تربطة علاقة ممتازة بالشاعر الكبير محمد الحبرتي السلمي قوامها الاحترام المتبادل والمودة والتقدير التي يكنها كل منهما للأخر ولكن مع الزمن نشب بينهما خلاف ادى الى قطع العلاقة بين الشاعرين ورفض كل منهما مقابلة الأخر واستمر الوضع الى أن احتال عليهما محبيهما من الجمهور ورتبوا لهم اللقاء في مناسبة من المناسبات بحيث لم يعرف احدهما بوجود الأخر إلا في الملعبة نفسها ولم يجدا بدا من المواجهة فبدأ المحاورة الشاعر الجبرتي حيث حاول تهميش المسعودي والإنتقاص من قدره حيث جرت العادة أن يرحب الشاعر بمن يريد مقابلتة ويشير الية أو يسمية وكان الرد الأقوى على الجبرتي من المسعودي رحمهما الله جميعا.

البدع : الجبرتي

سلام الله برديه لها بين الرجال ارجال
وانا ماني مسمي والعرب تعرف باساميها



الرد : المسعودي


هلا يامرحبا بيه وباللي يوفي المكيال
ومن لا يوفي المكيال يقعد لين يوفيها




في هذا الموضع احبتي سأورد نماذج من اقوى بيوت المحاورات لرموز شعراء القلطة ثم اختار لكم بعدها نماذج من اقوى المحاورات واجملها ايضا لرموز شعراء الرد عل أمل أن تحوز على رضاكم .

يقول الجبرتي:

عظامي يابسه والراس يابس والعيون يبوس
أشوف الضلع قد الحبحبه والحبحبه قده


ورد المسعودي:

تبى تآبس عظامك دامت إنك تشتغل بفلوس
بعيرٍ يآكل الضرمه يبى يصبر على الكده


ويقول الجبرتي :

أنته سوات الحيّه اللي وازيه في بطن غور
ترقد بغير فراش ...مير انحاش ياحوت البحر


رد عبد الله المسعودي :

انته كما السيّاره اللي عاكست خط المرور
يسوقها الحشّاش ...مير انحاش ياحوت البحر



ويقول الجبرتي ايضا :

اليوم شفت الداب الاحمرملتويله فوق داب
مدري عن اللي مستقي واللي مروح مااستقى


ويرد عبدالله المسعودي:

ياللي تشوف الداب ودك تلحقه لكن تهاب
ليتك تمد الساق مع دربه وتلقى مالقى


أما صياف الحربي فيقول:

بلشنا بلشنا بطيور بليا عشوش
على شجرة من تحتها يسفي السافي


ويرد عليه مطلق الثبيتي :

عصيفير مدري بالمخاليب ويش ينوش
ولاني لريشك يالعصافير نتافي



ويقول حبيب العازمي :

رحمك الله ياعبدالله رميت الدلو جوف البير
وصارت قصة مابين قاريها وكاتبها



ويرد عبدالله المطرفي :

انا خايف صلاة الصبح يطلعلك سنام بعير
ويقلون العرب هذا العلوم منين جايبها


ويقول محمد بن شلاح المطيري :

مرحبا بالصاحب اللي حيته تحت حصاته
كلما امتدت عليها الرجل تلقصها بساعة


والرد من الجبرتي :

البقا بالصاحب اللي سار ما قدم عصاته
حيتي ما تلقص الا من يمد لها كراعه



وقال محمد ابن تويم

ترى هذي الديره يسمّونها ام سباع
وفيها سباعٍ تاكل الذيب سرحاني


ورد المسعودي الله يرحمه

انا جيتها في الصيف ماجيت في المرباع
وش تقول جيت السبع و السبع ماجاني


ويقول المسعودي :

نهاية يوم ذي الحجه بداية يوم من عاشور
هلا يامرحبا والمملكه باحلى لياليها

انا ماهمني فالوقت لا مطلق ولا مستور
مركبها على قمة جبل وتهز رجليها


والرد من مطلق التبيتي رحمهم الله :

انا اشوف المدافع فالمحاجي والفرود اتثور
يدوم الك البقا وانته جملها وانت راعيها

تقوله وانت محني في يديه حنية الباكور
وانا اللي من قديم الوقت طابخها وشاويها



المسعودي


عينت الشايب اللي لقمته ماوصلت الحنجور
فضيحه لن تفلها وان بلعها سمها فيها

منول ياذهبنا كنت في صندوقنـا مصـرور
وذلحينـه تشالتك الحراميه باياديها



مطلق الثبيتي

عينت الطرقي اللي شق قدرة شعلة الدافور
لياجاته ضيوف الله يزري لا يعشيها

انا ماني بشايل لي عصاة راسهـا مشقور
لكن التاجر اللي جابها لازم يوديها




يقول محسن الحصان الثبيتي:


ياغالي تعشاك الحصاني
تال الليل حدد لك سنونه



قال غالي السعيدي :


ان جاني لزمته بالعنانـي
لين يروض للي يركبونه


شاعر (عبد) مجهول الاسم

أنا حلقي وسيع ويبلع الرجال عرض وطول
لك الله ماتجي لي نص لقمة يادخيل الله


الرد: دخيل الله الزيداني الهذلي

أنا لك سم ساعة وان بلعت السم ويش اتقول
ليا منك بلعت السم موت ولا رحمك الله ...


قال الجبرتي

الخط جنب مع ديار سليم يوم الحظ قام
واما ديار حروب يامبروك يعوي ذيبها
الله يحييكم تعالو عندنا وابنو خيام
واما الحجر والطوب والاسمنت لاتبني بها


رد الشاعر مبروك العصلاني

انت نسيت الاولات الي لها ستين عام
تدري بها ولا ليا ذالوان ماتدري بها
الخط ماهو خطكم تخطيط مرحوم العظام
نمشي مع السكه على خبث النفوس وطيبها


يقول الشاعر عوض الله ابو مشعاب:

ياحضرة الشعار اعرفكم على الشاعر شبيب
عزوة ذوي زراق اعرفكم على شعارها


فرد شبيب الزراقي :

ياللي تعرف فوقي الشعار انا ماني غريب
عزوة ذوي زراق جتكم والديار ديارها






يتبع .............................................



.......


 

 
























التوقيع

قال تعالى :
"ومن احسن قولا ممن دعا إلى الله وعمل صالحا وقال انني من المسلمين"

فصلت (33)


   

رد مع اقتباس
قديم 08-02-2010, 11:50 PM   رقم المشاركة : 2
معلومات العضو
عضو فعّال
 
إحصائية الترشيح

عدد النقاط : 10
سعيد الفقعسي is on a distinguished road


 

يقول لويحان:

بعيري ضاع عند هذيل عانو جرته ميثار
وانا عهدي بها بين البهيته واليمانيه
ترى من يجحده مخطي وانا عندي عليه انوار
ثبت راس الجمل وارهت عتيبه بالمحقيه



فرد حاسن:


بعيرك ضاع واللي ضيعه من ميتين النار
رقد في حروته ما يرقد الا طافي الضيه
علومك بايهه من يوم حطيت اليمين يسار
تعد الزور وانته ما ثبت لك راسماليه


ويقول حبيب العازمي :

الشاعر اللي من بني زهران لابد امغزول !
وأنا ليا جاني امغزول أقرأ عليه البسملة !


ورد ابراهيم الشيخي

والشاعر اللي من هذيك الدار لابد امهبول !
وأنا ليا جاني امهبول أقول يالله اعقله !



وقال بن شريف الجبرتي

أرسلت لك مرسول والمرسول وافاني وقال
وش بك تلزّم فالحبال اللي رموث حبالها
أنته تقضي في شطونك وإلاّ أنا مشغول بال
مشغولي بالي من برامجنا وحسن أمثالها


فرد عبدالله المسعودي

لو كان للطيّب مواري تظهره يا بن الحلال
يمديك تعرف طيّبين القوم قبل أفعالها
يا راعي الميزان ياللي قبل يوزن فيه مال
أشوف كِفّه ميّلت كِفّه ولا أدري مالها



وقال صياف :

ماعاد يبقى غير شبك الفيش
والا الرطانه بالفرنسيــــّه


والرد من حبيب العازمي :

الفيش يشبك في جدار اعميش
وعميش مرضعته حريبيــــّه


شاعر من عتيبه:

ياهذيل انا ودي بسوم اسعاركم
ومنهو نشد ماضاع لو انه غريب


ورد عليه المسعودي:

أسعارنا نارِ(ن) تلهّم ناركم
يطيب لك ولا لعله لا يطيب


السواط:

صفنا من فرع صفك يزيد ويستزيد
يامسافر لاتزيد البلاد ترودها


المسعودي:

الشجر فيه الورق والنخل خضر الجريد
كيف مسقي شجرة الموز يقطع عودها



المسعودي

ياشايبن عينك تحب الزين وتحب الجمال
وليا بدت تومي لها.... والنار من شبابها


بن تويم

كلن يحب الزين وانا احبها يابن الحلال
والخير في زنبي لها ....والنار من شبابها


صياف

البندق اخذوها الجماعه مامعك غير الحزام
بعض الجماعه باخر الفزعه تبيح سدودها


الزلامي

البندقه والسيف معيه واتجه قبله وشام
يومن نارك يالحريبي مايدخن عودها


تركي الميزاني:

ياحبيب وش يذريك فاليوم المخيف
من يهبد الارض فوقه يطير غبارها


حبيب العازمي :

اتذرى في حزامي وفالسيف الرهيف
وانطح العدوان وادقها بازوارها



حبيب العازمي:

ان جيت للعتبان قالوا زيد نعرف مستواه
وان رحت مع قحطان قالوا زيد وارحب ياصبي


زيد العضيله:

ان جيت للعتبان جيت وكل بيت من ذراه
يامطيب الرجال لن جوله ضيوف ورحبي


ملفي المورقي:

عزتي للي يحول فالمخاطر عزتي له
الليالي حطته مابين منكبها وفمها


مطلق الثبيتي:

مايحول فالمخاطر غير رجال الصميله
والضعيفه خلها تسرح وتضوي مع غنمها



يقول عبدالله المسعودي

عيني تخيل أصحابها اللي حيث ما حالوا تحيل
لدولها ياسواط والا مابعد لدولها


جار الله السواط

أن خايلت عينكـ جميع أصحابها خلكـ ثقيل
والارض مترها وقيس عرضها من طولها


عبد الله المسعودي

انته توصيني نسيت أن هذيلي من هذيل
الناس أميزها وأخاطبها بقدر عقولها


قال جار الله السواط

أنا عتيبي من عتيبه من رياجيل الدليل
صورتك لن رحت المصور لايغرك زولها




وقال ابن مشيط

يا أبو وافي حذفت البشت وأنت من الشتاء بردان
ولا أقول إنك الأول ولا أقول إنك الثاني


رد/ ملفي المرقي

ليا مني حذفت البشت صار لوقفتي برهان
أشرّه في فناجيل العرب وأفتك فنجالي



وقال مستور:

صدقونى.ليا منى هرجت..الصحيح
شفت عبداللة واقف لة على باب دار


لاحصل شى من قصدة..ولا مستريح
كل ماشاف قبة.قال هذى مزار


ورد المسعودي

من يصدق كلامك يالبخيل....الشحيح
والبخيل الشحيح يمدها..باليسار

احرم اللة عيونك من عيون المليح
تنوى الصيد وانتة ماتحق..العيار



مستور:

عذبتك الليالى ياللسان الفصيح
كل ماشفتلك طير من العش طار

اخر الوقت اظنك فى مصيبةتطيح
يفقدونك هذيل اهل الكرم والوقار


المسعودى:

انت جتك النصيحة من عميل نصيح
مار ماخذتها بين الضلوع القصار

ياعتيبة توحو فاالعتيبى..يصيح
كل ماشاف لمة شال ثوبة..واغار





يتبع ........................................





.........

 

 
























التوقيع

قال تعالى :
"ومن احسن قولا ممن دعا إلى الله وعمل صالحا وقال انني من المسلمين"

فصلت (33)


   

رد مع اقتباس
قديم 08-03-2010, 01:19 AM   رقم المشاركة : 3
معلومات العضو
عضو ساحات
 
إحصائية الترشيح

عدد النقاط : 10
قرن النازيه is on a distinguished road


 


الاستاذ /// سعيد الفقعسي


اتحفتنا وأنستنا واطربتنا واضحكتنا
لك من التقدير اعظمه
ومن الشكر اجزله

اهنيك بهذه الذاكرة المتقدة
واهني الساحات بك

لك تحياتي

 

 
























التوقيع




   

رد مع اقتباس
قديم 08-03-2010, 01:25 AM   رقم المشاركة : 4
معلومات العضو
عضو ذهبي
 
الصورة الرمزية محمد سعد دوبح
 
إحصائية الترشيح

عدد النقاط : 10
محمد سعد دوبح is on a distinguished road


 

اخوي سعيد يعطيك العافيه على هذه الروائع لك شكري وتقديري ودمت بصحة وسلامه 0

 

 
























التوقيع

اللهم اغفرلي ولوالدي

   

رد مع اقتباس
قديم 08-05-2010, 10:46 PM   رقم المشاركة : 5
معلومات العضو
عضو فعّال
 
إحصائية العضو











سعيد الفقعسي غير متواجد حالياً

آخـر مواضيعي


ذكر

التوقيت

إحصائية الترشيح

عدد النقاط : 10
سعيد الفقعسي is on a distinguished road


 

اقتباس:
المشاركة الأصلية كتبت بواسطة قرن النازيه مشاهدة المشاركة

الاستاذ /// سعيد الفقعسي


اتحفتنا وأنستنا واطربتنا واضحكتنا
لك من التقدير اعظمه
ومن الشكر اجزله

اهنيك بهذه الذاكرة المتقدة
واهني الساحات بك

لك تحياتي


اشكرك جزيل الشكر على مرورك الرائع حفظك الله
والحقيقة اني استعنت بعشرات المواقع المهتمة بهذا اللون
وياليت الذاكرة تساعدنا
بارك الله فيك ومتعك بالصحة والعافية

 

 
























التوقيع

قال تعالى :
"ومن احسن قولا ممن دعا إلى الله وعمل صالحا وقال انني من المسلمين"

فصلت (33)


   

رد مع اقتباس
قديم 08-05-2010, 10:48 PM   رقم المشاركة : 6
معلومات العضو
عضو فعّال
 
إحصائية الترشيح

عدد النقاط : 10
سعيد الفقعسي is on a distinguished road


 

اقتباس:
المشاركة الأصلية كتبت بواسطة محمد سعد دوبح مشاهدة المشاركة
اخوي سعيد يعطيك العافيه على هذه الروائع لك شكري وتقديري ودمت بصحة وسلامه 0

ويعطيك العافية اشكرك واقدر مرورك حفظك الله

 

 
























التوقيع

قال تعالى :
"ومن احسن قولا ممن دعا إلى الله وعمل صالحا وقال انني من المسلمين"

فصلت (33)


   

رد مع اقتباس
قديم 08-06-2010, 12:06 AM   رقم المشاركة : 7
معلومات العضو
عضو فعّال
 
إحصائية الترشيح

عدد النقاط : 10
سعيد الفقعسي is on a distinguished road


 

يقول عبدالله المسعودي:

ياخيال وبروق ورعود مسموعه
لكن مايشرب الطير من ماهـا


ما فالسنه حب خوخ ورماني
والحال مايسمـن الا مـن الـزادي

مجنون ليلى سقى الرمل بدموعه
عشرين ليلـه وليلـه مايلقاهـا

البطن جيعان والطرف سهراني
والراس مرشوش بالورد والكادي



والرد من مستور العصيمي :

كلٍ جوابه على قيس موضوعه
واللي كتبهـا عـرف كيـف يقراهـا

انا على الدرب محدٍ تعداني
احرص من ابـرص وبـادي ورا بـادي

الضحك بالضحك والحرب بدروعه
واللي على البال مدري وش اطراها

جاكم نبـا مـن سبـا ياسليماني
اوحيـت مرسولـه ايصيـح وينـادي



وقال مطلق الثبيتي :

ليا شفت لي صاروخ صيني معه صاروخ روس
أبا اكف رجلي عن دروب كثير خوفها


والرد من خلف هذال :

ليا شفت لك صاروخ صيني حضر يوم عبوس
تعاف الحياة وتكسف الشمس وأنت تشوفها



وقال أحمد الناصر :

شليويح بن شلاح المطيري مثل الاشوام
سلامه مرحبا بك من قريب ليا بعيدي


والرد من صياف الحربي :

شليويح المطيري ما تعدى دين الاسلام
أقوله بالنيابه عنه والعايد يعيدي


وقال مطلق الثبيتي

خيل الغيث فوقك وانت ضوك تشبه
سرع ماجاك سيل الخير مع كل وادي


والرد من صياف الحربي :

خيلت واقبلت بالما وعيت تصبه
واطلعت شجرة خضرا واكلها الجرادي



البدع من صياف الحربي :

زمان العام في سوق تربه سمرتكم تسمير
يشيبون الاوادم والبقوم انا مشيبها


والرد من محمد بن جرشان البقي

زمان العام في سوق تربه شال الحمول العير
ياراع الساعه اللي كسر الصاغي عقاربها



وقال بن جرشان

والمشكله لو هي بسيطه عرفت النقص والزود
لو كان نيبان الجمل ما تغطيها شدوقه


والرد من صياف :

المشكله ما هي كبيره لكن السيف محدود
والثوب لو يبعد عن النار ما تكثر شقوقه



وقال مطلق :

ودي احمل بعير الناس حمله والوساقه
قبل ابن هذال لايبني على الاصنام قبه


والرد من خلف :

أنت ودك بس ما تقدر لها ما فيك طاقه
الجمل من دونه الجمال يسعى تحت ربه



البدع من صياف الحربي :

أشوف مستور العصيمي جاب حبله وجمله
وليا قضى تمر الحسا جاني يبا تمر القصيم


والرد من مستور العصيمي :

لن كان عندك تمر جيتك بالبعير وحمله
لكن لا تخلط لي التمر الجديد مع القديم



وقال مطلق :

الحريبي لو لقى له واحد يقطع لسان
ما تغزل في بنات الهند سمحات الخدودي


والرد من صياف :

يا عتيبه قولوا لمطلق يمرح في مكانه
ما يدافع عن بنات الهند ياغير الهنودي



قال أحمد الناصر :

أبا اسور لك القصر وانت تكمل السور
وله باب جنوبي وله باب شمالي


ورد مستور :

ألا ياراعي القصر قصرك حوله قصور
سكن به من بنا به مادام الحظ عالي



قال الزلامي :

أنا ماني بمتمنجر ولا أشحذ واحد عريان
ذلولك لا تفك الها الرسن وهي عمانيه


ورد حمد هادي المسردي :

نصحتك ما سمعت النصح ألا ياطير بن ظرمان
أشيل الخرج مير الخرج وسطه ترقد الحيه



قال أحمد الناصر :

سالت جميع القرى ما بقي الا شعيب
من عقب نبت الربيع اقفى عليه الزمان


ورد أحمد السكران :

حتى الشعيب اللي تذكر لقيته عشيب
يوم انت بالمدعى ترعى من القلمان



قال عبدالله المسعودي :

ياسـلامـي عـلــى الـلــي طـــال عـنــي غـيـابـه
والمغـيـبـه بـــدون اســبــاب فـيـهــا وفـيـهــا

صـاحــب مشـلـحـه ضـافــي وغـاطــي ثـيـابــه
لا حــــرارة ســمــوم ولا غــبـــار يـجـيـهــا


ورد محمد الجبرتي :

مـرحـبــا يـارفــيــق جـابــنــا الله وجــابـــه
كـــل مــاجــات بـيـعــه غـالـيــه يشـتـريـهـا

يــوم احـضــر كـتـابـي غـــاب عـنــي كـتـابـه
فـــي لـيــالآ يـحـضــرون الـريـاجـيـل فـيـهــا




المسعودي :

مامـعـي شــك فـــي خـنــدف ولا فـــي شـبـابـه
وإن مـشــت ماهـجـرنـا راسـهــا فـــي يـديـهــا

كــم عـقــولآ ماتـعـطـي كـــل شـــي حـسـابـه
تـعـرف الـلــي لـهــا مـاتـعـرف الـلــي علـيـهـا


الجبرتي :

مــاش عــود يـشـيـب ويغـتـنـي عـــن شـبـابـه
والـولـد يـذكــر الـلــي قـلــب عـــوده نسـيـهـا

انـــت هـايــب وحـنــا الـلــي لـنــا مانـهـابـه
وان هـبـطـنـا نــبــي مـقـضـاتـنـا نقـتـضـيـهـا



المسعودي :

ماعـيـنـت الفـقـيـه الــلــي قـريـتــو حـجـابــه
مـــن حـــروف كـتـبـهـا واحــــدآ مـاقـريـهـا

مـاتـطـول الـمـراجـل فـــي يــديــن الـعـصـابـه
والـفـراشـه ماتـقـطـع جـــوع مـــن يشـتـويـهـا


وقال مطلق الثبيتي :

الي وزعه مع الشعار ياليل الطرب محـلاك
نجومك مشرقه واشوفهـا فالعـرش سباحـه

ياعبدالله تهرج كـان دنيـا الملعبـه دنيـاك
انا وانته على درب العرب والمشي بالراحـه


ورد عبدالله المسعودي :

الا ياشاعر ماجابنـي مـن ديرتـي لـولاك
كما دار المصيف اللي نضج خوخه وتفاحـه

ظروف الوفت تبعدني وتدنيني بدون رضاك
لكن الذيب بانيابه فـزع والصقـر بجناحـه



عباد السفياني

الليلة انا صقر(ن) قوي المخاليب
وخدك اكفوف الصقر ما قواها


عبدالله المطرفي

إن كنت صقر(ن) حر نرسلك وتجيب
جيب الطيور اللي نقلك علاها



وقال فيصل الرياحي :

الليلةانا ضامي وبشرب من بحر والا غدير
جعل العدود اللي وصلناها يروي عدها

الفارس اللي مامعه بلجيك وحزامه ذخير
لاعاد يندر في المعارك كان ماهو قدها


ورد عبدالله المطرفي :

اشرب من البحر المجرب لين بطنك يستدير
الشربة اللي يوم تاصل للحلوق تسدها

لوالضحك مثل البكا والا الرغى مثل الهدير
يمدي العلوم اللي نواقص كان زلة حدها



يتبع ...............

.................



 

 
























التوقيع

قال تعالى :
"ومن احسن قولا ممن دعا إلى الله وعمل صالحا وقال انني من المسلمين"

فصلت (33)


   

رد مع اقتباس
قديم 08-07-2010, 03:36 AM   رقم المشاركة : 8
معلومات العضو
عضو فعّال
 
إحصائية الترشيح

عدد النقاط : 10
سعيد الفقعسي is on a distinguished road


 

وقال صياف الحربي :

الجبرتي مع العربان ثاير غباره
كل ما واق في راس الجبل سد ريعه


ورد محمد الجبرتي :

الجبرتي مع العربان سايق حماره
لو قالوا تبيع العير والله ما ابيعه



وقال مطلق الثبيتي :

ما احسنك يا لابس الكوت
جنب البحر تقنص الحوت
ياقشرها من مكده


ورد صياف الحربي :

الحوت أبا اروح أحصه
واعطيك ربعه ونصه
هذي هديه ثمينه



وقال احمد الناصر :

الخيل وش ركابها
كان اقبلت قوم لقوم
والطير يدعى فالسبب
والخيل وش ركابها


ورد مطلق الثبيتي :

ياللي تهز نصابها
عينك لك الله ما تنوم
النار شبت فالحطب
ياللي تهز نصابها


قال جارالله السواط :

سلام الله عليكم من هجوس ٍ عرفها يزداد
وانا الليله معي رمح ومعي حربه وجنبيه


ورد مستور العصيمي :

هلا يامرحبابك يامسلم والسيوف حداد
عسى سيفك وجنبيتك في علباك مثنيه



وقال حبيب العازمي لابومشعاب السلمي :

يا راعي المشعاب حطه واستريح
لا ترفعه عند العرب وانا هنـا


رد ابو مشعاب :

ان كان نفسك فيه علّم بالصحيح
اكله لعلّه يـا حبيـب بالهنـا



قال صياف الحربي :

ياشليويح صك الباب عن كل ريحه
قبل تشتب نار(ن)ما يغلق حطبها


يفرح الضيف يوم يطيح راس الذبيحه
وان شبع من لحمها ما التفت في عصبها


ورد شليويح المطيري :

لو نصحت العرب ما تستمع للنصيحه
كل سلعه يسنع دربها اللي جلبها

وأنت ياشعيل تبرك لوفوق الصفيحه
يوم بعض الجمال تخاف تجرح ركبها



وقال منيف المنقره البلوى :

حسبي الله على العطار والعنزروت
يطبخ العنزروت بدله الشاذليه


ورد صياف الحربي :

حسبي الله على اللي علم العنكبوت
لين راحت تعرف تركب البندقيه



قال صياف :

يوم الأسامي كثيرة ويش سموك
الليل عجل عليه بالإجابه


ورد حبيب :

سميت شاعر شبابه وانته الغوك
ماعاد لك لا مقام ولامهابه



قال الجبرتي :

أخرجي يالخارجية وادخلي يالداخلية
يالبناخي لايجيك الخوف من بطن الأماني


كل مارحتو وجيتو قلت أنا ولد أسلمية
روح يازعزوع دور لك بعد زعزوع ثاني


الرد من بكر بازعزوع الحضرمي :

مانقول الا الكلام اللي على تقوى ونية
واحليلك واحليلك يالعميل الشقلباني

أن جحدتونا حجدناكم وذمتنا برية
حقنا ماضاع مابين العرب والترجماني



قال احمد الناصر :

الغشامة والجهل بالرجال أكبر مصيبة
والعمى ماقالوا انه يبشر بالهلالي


الرد من سلطان الهاجري :

الغشامة والجهل مشكلة في عود شيبه
والولد يمديه يفهم ليا جاء له مجالي



قال خليف بن دواس المطيري :

وين اودي سلعة غاليه معها ضمان
جابها دلال في سوق وأخطاها زبون



رد عبد الله العير :

سلعتك لو هي فرس كان جبت إلها حصان
مير مدري عن سلعكم عساكم تذهبون



في إحدى المحاورات قال الشاعر عبد الله بن محمد الجبرتي :

وصيتني يالشريف بموترٍ وانا توصيت
شريت لك موترٍ ياطا على صم الحجارة

يمشي تماتيك مايحتاج لا مويه ولا زيت
وتسوق به فالبلد من غير رخصه وأستماره


فرد عليه الشاعر الشريف عايض آل زيد:

أنا موصيك وأنته بالوصاة ابطيت واخطيت
وإن كان وأنك شريته صدق محمي الخسارة

يكتب عليه اسمكم وأقول من عند الجباريت
حتى اسمكم يشتهر ويروح من حارة بحارة


وقال عوض الله ابو مشعاب:

السحيمي عود شايب تعدى الأربعين
وإن غلط مسموح ,,,, والنار من شبابها


والرد من صياف :

انت توك ما طلع فيك ضرس العقل زين
لارسلوك تروح ,,,, والنار من شبابها



قال الشاعر محمد بن جرشان البقمي :

مادام ابن عواد بالملعبة حاضر وموجود
خيل خيالٍ يصبح الصبح سامرةٍ بروقه


الرد من صياف:

مادام ابن عواد موجود ضلع طويق ممدود
يوجعك لو يطيح فوقك ولو تطيح فوقه



وقال السواط :

أنا سواة الكبتن الطيار
ون طرت أجيب ألك الاماريه


ورد صياف :

منته مقصر والعلوم كثار
طيار مير الارض مخفيه



وقال مطلق الثبيتي رحمه الله :

الحريبي لو لقاله واحد(ن) يقطع لسانـه
ماتغزل في بنات الهند سمحات الخدودي


ورد صياف الحربي:

ياعتيبه قولوا لمطلق يمرح في مكانه
مايدافع عن بنات الهند ياغير الهنودي



وقال حبيب :

ماكل من طار عدوه طير من الطيور
بكرة نمر المدينة وش نسويبها


رد راشد السحيمي :

ماقدمك ألا السيوف اللي تقص الظهور
بكرة تمر المدينة ما تصليبها



قال الشاعر محمد الشمالي :

إن كان ماحطيت في علباك مشعاب أسلمي
ماني عشير أم الكفوف اللي تدق خضابها


فرد عليه الشعر سلطان الهاجري:

إن كان ماحطيت مشعابك تحت راس قدمي
ماني عشير الطيبين اللي تعز أصحابها


صياف

تبغى الزياده مير ما فيه زود
ولع لك النور الصغير وطفا



مطلق

بعد الصوادر ناطحتها الورود
خلك ذهين ولا تبذ الخفا


وقال حبيب العازمي :

سلام الله سلام فيه تمريره وضربة راس
يمر الباب ألأول ويتمركز داخل الثاني


الرد مطلق الثبيتي

هلا يامرحبا ترحيب مثل الكهربا والماس
ليا مني شبكت سلوكها مات العريباني



وقال زيد العضيله :

أنا ودي أرفع راية آلاد عباد
على الدار هذي ودنا نقتسمها


ورد حبيب العازمي :

أضنك تجر الشر لمطير ألأجواد
بعد ذاقت الراحه وفلت غنمها


وقال فيصل الرياحي رحمه الله :

كلمتك هذي تعدلها على برطم وحنجور
ياراعي السبحه ام الخيط قل لي كم عددها


ورد خلف بن هذال :

السبحه ام الخرز فيها ذهب وخير وشرور
ما لامست خدة العذرا ولا ناشت نهدها


خلف

ما تنزف البير لو ركبت لك عشرين ماطور
لكن ريح ركابك لا تسيرها وحدها


فيصل

البير طقت صفا ماعاد تروي فرخ عصفور
وانا شربت البحر من حر كبدي ما بردها


وقال احمد الناصر :

يابن حميد لو يجيك العصر كذاب
تضحك معه ولا تسوي به سواتي



وردمطلق :

ماني لبنت اللي يجيب الكذب خطاب
لو كان بين الناس غلين البناتي



وقال مطلق الثبيتي :

ولا ياكبر خشمك مير عيا يروح البارود
كما خشم البعير اللي بليا خرج وشدادي



ورد جارالله السواط :

انا ماني بزيدي وانت تاكل لك نشوق زيود
ثلاث سنين وانت باليمن سردادي مردادي



وقال فيصل الرياحي :

سلام الله عليكم من ضمير(ن) دق به هوجاس
يهندب والعصيمي عارف(ن) قصة هناديبه


لقيت أبليس أخو مره يهندب في عقول الناس
ونا عقلي سليم ولا لعبي في ملاعيبه


الرد من مستور العصيمي :

هلا يامرحبا في حفل قوم(ن)يرفعون الراس
رجال(ن)يالرياحي تعطي اللافي مواجيبه

تعوذ من بليس ليا لقيته واترك الوسواس
وخل اللي يشيل الكيد يقبل به ويقفي به


وقال احمد الناصر :

هات العلوم الوافيه
لك عاده ان تجيبها
إحذف حجر واقلب حجر
هات العلوم الوافيه



ورد مستور العصيمي :

ترى الليال الدافيه
كل العرب تمشي بها
وانته على جال البحر
وقت الليال الدافيه



وقال فيصل الرياحي :

خذينا العصا من واد الاغصان من غصن شجره
وبه للبليهي خرج وشداد
رفرف ياعلم


ورد صياف :

فدتك العصا يالميت اللي في وسط المقبره
ولا لك مع العربان نشاد
رفرف ياعلم

 

 
























التوقيع

قال تعالى :
"ومن احسن قولا ممن دعا إلى الله وعمل صالحا وقال انني من المسلمين"

فصلت (33)


   

رد مع اقتباس
قديم 08-07-2010, 04:01 AM   رقم المشاركة : 9

 


الاستاذ سعيد الفقعسي

قمة في الذوق والاختيار وانتقاء المفيد
مجهود رائع ... واختيار موفق
اهنيك واهني انفسنا بتواجدك
حقا تفخر الساحة بك
اقف لك احتراما وتقديرا
تقبل تحياتي بود وباقة ورد



 

 
























التوقيع

   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:28 AM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir