هل تشتاااااااق لوااالدتك.....؟؟؟؟؟؟؟؟؟؟؟؟؟؟؟؟؟؟

.... (((... هل تشتاق لوالدتك؟...)))...


بعد كم سنه على موت الوالدة رحمة الله عليها ، وبعد هذا العمر وتخطيك سن الأربعين


تصدقون من ماتت أمي ما عرفتك يا لهناء

تصدقون من ماتت أمي عيشتي صارت ضنا

واليوم جاوزت أربعين والحزن باقي

والحنين وأحس عايش في خلا

لو أنتخي محد فزع


لو اشتكي محد درا


مشتاق أنام بحضنها


وارجع بأحلامي ورا


واذكر ليالي الزمهرير


وأنا صغير وبحضنها القي دفا


وان سولفت رديت على الجنب اليمين


وألصقت وجهي بصدرها حب وفا



كانت تحكيني عن الآم السنين وبحشرجة


صوت حزين وتنهدت وأحيان نتنهد سوا


كانت تقول إني يتيمة من زمان


واضحك وأسال بزدرا ؟


يا ميمتى أنتي كبيرة والكبير


ماهو يتم وهذا قضا


واليوم أعيش إحساسها دار الزمن بكأسها


واسقاني أحزان اليتيم وشربتها بليا رضا


وأحس أنا باقي يتيم.............رغم السنين..................والعمر ولي وانقضا


تصدقون المشكلة ما هي فراق اللي تحب


الموت حق والدهر عمره ما صفا


المشكلة ذيك الجنان التي تحت أقدامها


بغيابها غابت ووراها الثرا


وذاك الدعاء اللي كان يرسم لي أمل


ما ينقطع صبح ومساء


كانت أموري ميسرة كانت دروبي مسرجه


كان الزمان يطيعني واليوم ينظر لي بجفا


عشان أنا عايش يتيم وفاقد الحب والحنين


صار الزمان يضدني كني مناصبه العدا


حنانها ماله مثيل وحبها ماله بديل


حب فطرة الله من عالي سما


وارجع وأقول رغم السنين أحس أنا عايش يتيم لكني عايش في رجا

أسرعوا قبل فوات الأوان

أمك ثم أمك ثم............