كاتب الساحات المميز / علي بن حسن , وسيارة جديدة من نيسان

أقول الريس لا حس ولا خبر
لكن الفزعة يا عبدالله بن رمزي
ودنا بخالي في طلعة برية
ومنها نجرب GPS
ونشوف دقته في تحديد المواقع
الرجال جالس يتهرب ولاهيب هقوتي في خالي
عندي إحساس بأنه بيقول الله يحييكم قريب

 

 

صراحة ان انس جاب الحل اللي يجمد على الشارب

وصاحب الاكسبدشن لا يمانع في رحلة جماعية نزور بعض الرفاقة

وانا سمعت ان ابو حسن يبي يسوي وليمة كبيره بس مالقي القدور اللي تسع الذبايح
لكن بننتظر وفرج الله قريب

وش قلت يابو علي

 

 

القدور عندي وانا ابو هندي لا يدور الريس ولا شي وخذوني معكم وانا باركب في السيارة الجديدة بجنب السواق في الغمارة عشان اني جبت لكم القدور .

 

 

أقول يا أخي علي بن محمد أبو علامه
خالي جبل الشعبه جاب الحل
اللي كما قلت سبب إختفاء أبو حسن القدور
وأنا أقول تم تم تم

 

 

ابشر ياجبل الشعبة
اركب جنب السواق ,, بس حرك الرجال دورنا له عذر وحليته

خله يتحلحل هوه ,, والا بنحلحله بذاك الحلم اللي يشوق العين
وفزعتك يابو علي معنا بالرجال

 

 

المشكله أن أبوأديب وأبو علي
مايعرفون كيف يفكر جبل الشعبه
تراه خطير ماشاء الله عليه
وقصده يطبق مباديء قصته
(الرجل الذي ضرب على وجهه)
ويشوف عن ردة فعل الريس وحلمه
وآبو أديب ياغافل لك الله ...
خذ علم مؤكد ياعلي تراها خطه
وتبريره جاهز ...
القدور ضاعت - آنا قلت في الغماره
والجيب مافيه غماره ...
آنا نصحتك ياأبو أديب وانت بكيفك

 

 

طيب يابو ناهل

براسك حلها ورنا شطارتك

هذا عمك وانت اعرف منا به

والله اظن الريس ماهو سهل ما سموه الريس الا على اسمه
لكن ان كان بتطاوعوني نصهده احدى الليالي في بيته ونحطه امام الامر الواقع

 

 

الف مبروك لجدي ويستاهل كل خير (دايم) .


ويالله طلعة بر كلنا بعدد الركاب والقدور بالخلف ونشوف قوة التحمل في التطعيس

 

 

الظاهر الريس كما قلت ريس على اسمه
لكن أنا معك بنصهده في بيته
وبعدها نحلم على راحتنا بعيد عن عبدالله بن رمزي
ها قل تم

 

 

نما الى علمي يالربع أن الريس
سافر للمشاركه في سفاري دبي
وقد اجتاز التجربه الأوليه
وبيختبر بعد أيام ...
لأنه يبغى يقنعهم ان الباثندر جيد في التطعيس
تراني علمتكم ولاعاد يلحقني شرهه

الصوره السابقه توضح حمى التنافس

وهنا سيارة الريس تحت التجربه