يا سقى الله...

رائعة من روائع المساعد/ فهد
للقرية والحنين والطين والريح....
وزماااااااان بكل مافيه...



القرايـا ساكنتنـا لـو سكنّـا فـي المدينـه...
ياكثر مافي المدينـه نـاس تسكنهـا قرايـا ....
*****
مثل انا لامن شعرت أني بحاجـه للسكينـه ....
رحت يم القريه اللي قدرهـا بيـن الحنايـا ....
*****
قريتي واليوم جيتك شاعـر ٍ هـزّه حنينـه.....
للوجيـه وللبيـوت وللسوالـف والحكـايـا ....
*****
قريتي انا فهد .. فهد .. فهد ماتذكرينـه ؟!....
أسألي عني بيوت الطين ونقـوش الزوايـا .....
*****
ياسقى الله قبل اسافر عنك يالـدار الثمينـه....
يوم انا طفل يشوف عيوب جدرانـك مزايـا .....
*****
يوم انا طفل ٍ يمر اليـوم ماشـاف الغبينـه...
الضحى وسط المدارس والشفق بين المطايا....
*****
ياسقى الله يوم كنت الريـح والدنيـا سفينـه....
قبل مالدنيا تكـون الريـح والسفـن البرايـا .....
*****
يوم ابوي الله يبيحـه كـان ياخذنـا بيدينـه....
يم ذاك المسجد اللي فيه مـن ريحـه بقايـا .....
*****
ياسقى الله او بلاش ازيد هذا الطيـن طينـه.....
لي هنا والعمر مابه متسّع لأهـل الرزايـا .....
*****
قريتي مانيب انا اول من رجع لك وسط عينه.....
دمعتيـن ٍ كنهـا لبيوتـك وناسـك مـرايـا .....
******
القرايا سالفـة اهـل القرايـا فـي المدينـه.....
والمدينه سالفة اهـل المدينـه فـي القرايـا .....


دمتم بود ..

لاعدمت تفاعلكم...