صدفه

الشوق مالـه عمـر , يفنـى وينعـادله في الضلوع أن عاد وأن غاب رجفه

مع كل فرقا , له ورى الجفـن ميـلادوأن ماتت الفرقا لقـى الشـوق حتفـه

جيت أقتل الفرقـا مـن بـلاد لـبـلادمـلّ الطريـق يشيلنـي فـوق كتفـه

وأنا بعد مليت مـن كثـر مـا أرتـادهالشارع اللي كـان لـك فيـه شرفـه

تظمأ عيوني شوفك , وتشبـع سهـادعيّا الزمـن يقطـع ظماهـا بـرشفـه

لاوجهـك أسقاهـا , ولا ذاقـت رقـادماغير طيفـك , طيفـك اللـي أعرفـه

كنّه ظبـي , وعيونـي ظـلال صيـاديجفـل قبـل يرتـد للجفـن طـرفـه

مشكلته أنه كـل مـا أشتقـت يـزدادحتـى مـلا جـدران وقتـي وسقفـه

وأصبحت أشوفه فـأول الغيـم لاجـادوفـأقصى الشفق لاطاحت الشمس خلفه

وفي الأرض لانامت عقب صوت رعـادوفي كل شباك ٍ صحـت منـه درفـه

أتعبت طيفـك لـوم , واللـوم مافـادويوم الأمل في شوفتـك مـات نصفـه

نويت أسافـر عنـك بجـروح ٍ جـدادوعمر ٍ من أوراق الزمن حـان قطفـه

نويت , لكـن جابنـي الشـوق منقـادوجابك حنينك , والزمن سـال عطفـه

شفتك تبسّم لي خجـل مـدري عنـادوفي نظرتك شوق ٍ من الظلم وصفـه

حسيت كني طفـل , وعيونـك أعيـادياعيدي اللي له ورى الصـدر رجفـه

سمّ اللقـا صدفـة , وأسمّيـه ميعـادأنا أنتظرتك , وأنـت مريـت صدفـه

شعر فهد المساعد