بدع ورد

البدع من الشاعر عوض فرحه

يا شدا لو يقدح البارود من يطفي دخاينه
ويا جبل دخان ضاق الكون من نارك ومن دخانك
وابصر الحوثي وربعه يخلطون القات والدخان
جِعل من يشعل فتيل المعركة ينهار من باروده
لين يعرف غاية الفتنة وشبّ النار والبارود
الله أكبر كم فتن في ذا الزمان وشرّها ولعاني
فكّنا الله من مشاكلها وسلّمنا وجارنا
يا علي بانشدك عن وادي كرا واللي سكن من حوله
كم لقينا فيه من نشكي عليه ومن نحايله
جعل نَوّ البارق الهمال يسقي واديه ونخيله
لين يروى كلّ نبت فيه من يب الندى وامطار
وأنا ما خوفي يكون آموت ما جيته ولا مرّيته
ودّي آزوره وأشوفه قبل ما تاجي وفاتنا

الرد مني

منهو المجنون ذا ياهب يدينه فيد خاينه

من شرب طبع الخيانه لاتفاجا يوم لاقد خانك

الله ياكم قبل ماخاونك ياخي مالعرب قدخان

والذي هذي سلومه مايوافقني ولاباروده

لني اعرف ذا يشرفني ويهناني ومن بارود

الذي يحمي حمى الديره ويفرح لا لفاه العاني

والذي يحفظ حقوق الجاره ذا جنبه وجارنا

والله اني ابصر كرا كل (ن) لفى ياصاحبي بنحوله

لين سال الشهد من نعمات ربي من نحايله

دايم آطوًف على هذا الجنا ياصاحبي وانخيله

واتمتع في فلوج النحل في المسراح لامن طار

والله ان النفس تتهني وتفرح به الى من ريته

لكن النحًال قص الشهد قبل اوصل وفاتنا