روحي مع الريح

الله يسامـح رمـوش عيونـك الخـجـلا
ياللي طعنتي الخفوق وسالـت اشعـاري
وش في يدين الليالـي ترتعـش وجـلا ؟
ولا جبت طاريك قالت حي ذا الطاري !!
مـع السحـاب ارحلـي والله مـا يسـلا
غريـب دارٍ يخيـل البـارق الـسـاري
وان كان عيني على الحاجب نـوت تعـلا
طعنت وجه الجـروح بخنجـر اشـواري
روحي مع الريح جرحك يا مـلاك اغـلا
..جرحٍ .. غرس مخلبه في ثوب مشواري
ومـادام طعنـة زمانـي مانـوت تجـلا
اسألك عن ويش يا وقتـي وانـا عـاري!
عن ثوبي اللـي تقطـع قبـل مـا يبـلا
والا عن البندق اللي ما خـذت ثـاري !!
او مهرة اقبلـت تركـض وهـي عجـلا
اخيلهـا بــس لا بـايـع ولا شــاري
يوم استدارت وسـارت وانحنـت خجـلا
أشعلت نـار القصيـد وتاهـت افكـاري

للشاعرعبدالله اليامي